پێش یارییەکەی بارسێلۆنا و ئاتلێتیکۆ سووکایەتی بە موسڵمانان دەکرێت
دیمەنی شەرمەزارکەر باڵی بەسەر ئیسپانیادا کێشاوە
یاریگا –
لە ماوەی هەفتەیەکدا سێیەمجارە لە ئیسپانیا سووکایەتی بە موسڵمانان دەکرێت و پێش یارییەکەی بارسێلۆنا و ئاتلێتیکۆ مەدرید دیاردە شەرمەزارکەرەکە دووبارە بووەتەوە.
رۆژنامەی سپۆرتی کاتالوونی ڤیدیۆیەکی بڵاوکردووەتەوە، تیایدا دەردەکەوێت بەشێک لە هاندەرانی ئاتلێتیکۆ مەدرید بەر لە یارییەکە بەرامبەر بارسێلۆنا سووکایەتی بە موسڵمانان دەکەن و دەڵێن؛ “ئەوەی هەڵنەپەڕێت موسڵمانە“.
❌📹 Un pequeño grupo de aficionados del Atlético de Madrid repite el lamentable “musulmán el que no bote” antes de enfrentar al FC Barcelona en la ida de Champions League pic.twitter.com/7fKe5yQyJJ
— Diario SPORT (@sport) April 8, 2026
لەماوەی هەفتەیەکدا ئەمە سێیەمجارە هەمان رووداو دووبارە دەبێتەوە، سێشەممەی رابردوو بەشێک لە هاندەرانی ریال مەدرید لە نزیک یاریگای بێرنابیۆ هەمان کاریان کردبوو.
پێشتر و لە 31ـی ئادار لە یاریی نێوان هەڵبژاردەی ئیسپانیا و هەڵبژاردەی میسڕ کە یارییەکە لە کاتالوونیا بەڕێوەچوو هاندەرانی ئیسپانیا بەهەمان درووشمیان بەکارهێنا، بەو هۆیە لامین یامال ئەستێرەی ئیسپانیا بەیاننامەیەکی فەرمی بڵاوکردەوە و نیگەرانی خۆی لەسەر رووداوەکە دەربڕی.
شۆکێکی گەورە؛ هاندەرانی ریال مەدرید سووکایەتی بە موسڵمانان دەکەن
