هانزی فلیک باس لە ستەمی ناوبژیوان و ڤار دەکات

یاریگا –

هانزی فلیک ڕەخنە لە بڕیارە ناوبژیوانیەکان و ڤاریش دەگرێت دوای دۆڕاندنەکەی ئەمشەوی تیمەکەی بەرامبەر ئاتلێتیکۆ مەدرید.

ئەمشەو بارسێلۆنا لە یاریی چوونی چارەکی کۆتایی چامپیۆنزلیگ لەنێو یاریگای کامپ نو میوانداریی ئاتلێتیکۆی کرد و 0-2 بە میوانە مەدریدیەکەی دۆڕا. لەو یارییەی کە تێیدا پاو کوبارسی بەهۆی فاوڵێکەوە لەدژی جولیانۆ سیمیۆنی بە کارتی سوور کرایەدەرەوە و، خولیان ئالڤارێز سوودی لە تۆپە جێگیرەکە وەرگرت و لە خولەکی 45 به لێدانێکی ڕاستەوخۆی نایاب تۆڕی کەتەلۆنیەکانی هەژاند. لە گێمی راهێنەرانیشدا سیمیۆنی باڵادەستی خۆی سەلماند و لە خولەکی 70 ئالێکساندەر سۆرلۆتی کە وەک یەدەک بەشدریپێکرا، ئەنجامەکەی گۆڕی بۆ 0-2.

دوای یارییەکە راهێنەرە ئەڵمانییەکەی بارسا ڕەخنەی توندی لە بڕیارەکانی ناوبژیوان و ڤار گرت و وتی

ئێمە لێدانێکی سزای ڕوونمان هەبوو بۆمان هەژمار نەکرا. دووەم کارتی زەرد بۆ ئاتلێتی هەبوو، ناوبژیوان پێی نەدا. ئیتر سوودی ڤار چییه؟ من هیچ لەمە تێناگەم.

🚨⚠️ Hansi Flick: “There was a clear penalty and a second yellow card for Atléti”.

“What’s the point of VAR if it’s there in the first place? I just can’t understand that”. pic.twitter.com/Hd0digubxN

— Fabrizio Romano (@FabrizioRomano) April 8, 2026

دەربارەی کرانەدەرەوەی کوبارسیش کە ناوبژیوان بە گەڕانەوە بۆ ڤار بڕیارەکەی دا، فلیک وتی

تەنانەت هیچ دڵنیانیم لەوەی کە کوبارسی شایەنی کارتی سوور بووبێت.

🚨 Hansi Flick: “I’m not even sure it was a red card for Pau Cubarsí”. pic.twitter.com/nU39ofkTFo

— Fabrizio Romano (@FabrizioRomano) April 8, 2026