ئینتەر میلان گاڵتە بە ئۆفەرەکەی بارسێلۆنا بۆ باستۆنی دەکات

یاریگا –

دۆسیەی گواستنەوەی ئالێساندرۆ باستۆنی، بەرگریکاری ئیتاڵیی یانەی ئینتەر میلان بۆ بارسێلۆنا، پێدەنێتە قۆناخێکی نوێوە.

بەگوێرەی رۆژنامەی توتۆ سپۆرتـی ئیتاڵی، بەرپرسانی ئینتەر میلان گاڵتەیان بە بەو هەواڵانە کردووە کە باس لەوە دەکەن یانە کاتالوونییەکە دەیەوێت بە 50 ملیۆن یۆرۆ باستۆنی بگوازێتەوە. ئینتەر پێی وایە ئەم بڕە پارەیە زۆر لە خوار نرخی راستەقینەی یاریزانەکەیە، چونکە ئەوان بە کەمتر لە 60 بۆ 80 ملیۆن یۆرۆ ئامادەی گفتوگۆ نین.

🙄 El Inter “se ríe” de una posible oferta del Barça por Bastoni de 50 millones

⚠️ El club italiano insiste en que no hay contactos directos, que será el jugador quien deba pedir salir y que el precio del traspaso es mucho más alto

✍️ L. Miguelsanzhttps://t.co/jF8zYHe5cw

— Diario SPORT (@sport) April 8, 2026

باستۆنی لە نێوان مانەوە و گەشت بەرەو کاتالوونیا
ئینتەر مەرجێکی قورسی بۆ بلاوگرانا داناوە؛ دەبێت باستۆنی خۆی بە فەرمی داوای رۆیشتن بکات. یاریزانە تەمەن 27 ساڵانەکە ئێستا لە نێوان دوو بژاردەدایە؛ یان نوێکردنەوەی گرێبەستەکەی و بوون بە کاپتنی داهاتووی ئینتەر، یان جێهێشتنی ئیتاڵیا. ئەوەی باستۆنی هان دەدات بۆ رۆیشتن، ئەو فشار و هێرشانەیە کە لە یاریگاکانی ئیتاڵیا دەکرێتە سەری، بەتایبەت دوای ئەو کارتە سوورە کوشندەیەی کە بووە هۆی سەرنەکەوتنی هەڵبژاردەی ئیتاڵیا بۆ مۆندیال.

پلانی بارسێلۆنا بۆ کەمکردنەوەی نرخەکە
بارسێلۆنا هەوڵ دەدات لە رێگەی تێوەگلانی یاریزانێک لە گرێبەستەکەدا، بڕە پارەکە کەم بکاتەوە. ناوی جێرارد مارتن هاتووەتە ئاراوە، بەڵام هانزی فلیک تاوەکوو ئێستا پلانی نییە دەستبەرداری ئەو یاریزانە ببێت. لە ئیتاڵیاشەوە باس لە ناوی وەک مارک کاسادۆ و فێران تۆرێس دەکرێت بۆ ئەوەی بخرێنە ناو گرێبەستەکەوە، بەڵام هێشتا گفتوگۆکان لە قۆناخی سەرەتاییدان.