یاریگا –
ریال مەدرید لە هەفتە زۆر هەستیارەکانی لالیگا سێ خاڵی لێ رفێندرا کاتێ لە گەڕی 30ی یارییەکانی ئەو خولە 2-1 دۆڕا.
لە کۆنفرانسی رۆژنامەوانی دوای یارییەکە ئارڤالۆ ئاربێلوا بە بێهیواییەکی زۆرەوە قسەی لەسەر زەحمەتتربوونی رکابەرێتی نازناوی خولی ئیسپانی کرد کە ئێستا بە جیاوازیی چوار خاڵ و یارییەک زیاتر لە بارسێلۆنای پێشەنگ، پلەی دووەمیان وەرگرتووە، و وتی
ئێستا ئیتر بە روونی دیارە کە بردنەوەی لالیگا زۆر قورسترە وەک لە دوو کاتژمێر بەرلە ئێستا. بە یاریزانەکانم وت ئێستا 8 هەفتە ماوە بۆ خولەکە، گرنگ نییە لای بارسێلۆناوە چی روودەدات، دەبێ ئێمە ئەو 8 یارییەی خۆمان ببەینەوە.
🚨 Álvaro Arbeloa: “It’s obviously much harder to win La Liga now than it was 2 hours ago”.
“I told the players we have 8 games left, and no matter what happens with Barca, we need to win those 8 games”. pic.twitter.com/Gp4elXiu94
— Fabrizio Romano (@FabrizioRomano) April 4, 2026
سەبارەت بە رووبەڕووبوونەوەکەی سێشەممەی ئەم هەفتە کە لە چوارچێوەی یاریی چوونی چارەکی کۆتایی چامپیۆنزلیگدا میوانداریی بایرن میونشن دەکەن، راهێنەرە ئیسپانییەکە وتی
دەمەوێ یاریزانەکانم ئەوە بزانن کە دەتوانین یارییەکەی سێشەممە ببەینەوە. من یاریزانەکانی خۆم دەناسم، دەشزانم چەند بایەخیان هەیە بۆ یارییەکەی بایرن. دڵنیاشم هاندەرانمان بەتەواوەتی گڕ دەگرن، یاریزانەکانیش ئامادەن بۆ رووبەڕوونەوەکە.
🚨 Arbeloa on Bayern game next: “I want my players to know that we can WIN on Tuesday”.
“I know my players, and the importance they’re giving to the Bayern game. I’m certain the fans will be absolutely fired up, and the players will be up for it”. pic.twitter.com/qEpRmaKDbr
— Fabrizio Romano (@FabrizioRomano) April 4, 2026
