یاریگا –
کیران تریپیێر، بەرگریکاری یانەی نیوکاسڵ لە کۆتایی وەرز یانەکەی بەجێدەهێڵێت.
یانەی نیوکاسڵ یونایتد بە شێوەیەکی فەرمی رایگەیاند، کیران تریپیێر، بەرگریکاری لای راست و کاپتنی یانەکە، لە کۆتایی ئەم وەرزەدا و دوای تەواوبوونی گرێبەستەکەی، ریزەکانی یانەکە جێدەهێڵێت.
Thank you, Tripps 🖤🤍
After four and a half years of incredible service to Newcastle United, we can confirm that Kieran Trippier will leave the club this summer when his contract expires.
Kieran arrived in January 2022 with the club in the relegation zone and played a crucial… pic.twitter.com/Qp36O3BZKd
— Newcastle United (@NUFC) April 4, 2026
نیوکاسڵ لە تۆڕی کۆمەڵایەتی ئێکس بەیاننامەیەکی فەرمی بڵاوکردەوە و تێیدا سوپاسی ئەستێرە ئینگلیزییەکەی کرد.
سوپاس، تریپس!
دوای چوار ساڵ و نیو لە خزمەتە نایابەکەی بە نیوکاسڵ یونایتد، رایدەگەیەنین کە کیران تریپیێر لەم هاوینەدا و دوای کۆتاییهاتنی گرێبەستەکەی، ریزەکانی یانەکە جێدەهێڵێت.
کیران لە کانوونی دووەمی ساڵی 2022 پەیوەندی بە یانەکەوە کرد، کاتێک تیمەکە لە ناوچەی دابەزیندا بوو، و رۆڵێکی یەکلاییکەرەوەی گێڕا و یارمەتی یانەکەی دا دوای 70 ساڵ یەکەمین نازناوی ناوخۆیی بباتەوە.
تریپیێر یەکێک بوو لە یەکەمین گرێبەستە گەورەکانی نیوکاسڵ دوای گۆڕانکاری لە خاوەندارێتی یانەکەدا، رۆڵێکی سەرەکی هەبوو لە گەڕانەوەی یانەکە بۆ خولی پاڵەوانەکانی ئەوروپا.
بە رۆیشتنی تریپیێر، نیوکاسڵ یەکێک لە سەرکردە خاوەن ئەزموونەکانی نێو ژووری جلگۆڕین لەدەستدەدات. تاوەکوو ئێستا بە تەواوی دیار نییە کە وێستگەی داهاتووی یاریزانە تەمەن 35 ساڵانەکە کوێ دەبێت.
تریپیێر، 157 یاریی لەگەڵ نیوکاسڵ کرد، چوار گۆڵی کرد و توانی 29 گۆڵیش بۆ هاوڕێکانی دروستبکات.
