یاریگا –
کێشەکانی نێو یانەی چێڵسی قووڵتر دەبنەوە و دوای ئێنزۆ فێرناندێز، موسێس کایسیدۆ دەبێتە دووەم ئەستێرەی یانەکە کە گومان بخاتە سەر داهاتووی خۆی لە ستامفۆرد بریدج و ئارەزووی خۆی بۆ پەیوەندیکردن بە یانەی ریال مەدرید نەشارێتەوە.
کایسێدۆ و یارییکردن بە ئاگر
کایسێدۆ، ناوەڕاستکارە 24 ساڵانەکە کە بە بڕی 115 ملیۆن پاوەند گواستراوەتەوە بلووز، لە چاوپێکەوتنێکدا لەگەڵ رۆژنامەی ئاس ـی ئیسپانی، کاتێک دەربارەی یاریکردن بۆ لۆس بلانکۆس پرسیاری لێ کرا، بە زەردەخەنەوە وەڵامی دایەوە؛
لە تۆپی پێدا هەرگیز وشەی هەرگیز بەکارنایەت، وایە؟ من ئێستا گرێبەستم لەگەڵ چێڵسی هەیە و بەراستی بیرم لە رۆیشتن نەکردووەتەوە، بەڵام لە کۆتاییدا لە تۆپی پێدا هیچ شتێک دیار نییە. با ببینین داهاتوو چی سوپرایزێکی بۆمان شاردووەتەوە.
ئەم لێدوانانەی کایسیدۆ لە کاتێکی زۆر هەستیاردا دێن، چونکە لیام رۆسینیۆری راهێنەری چێڵسی، تەنیا چەند رۆژێک لەمەوبەر سزای راگرتنی بۆ ئێنزۆ فێرناندێز دەرکرد، دوای ئەوەی ئینزۆ رایگەیاندبوو زۆر حەزی لە ژیانە لە شاری مەدرید.
سزای ئێنزۆ و کێشەکانی نێو ژووری جلگۆڕین
راهێنەرەکەیی چێڵسی دووپاتیکردەوە کە ئێنزۆ بۆ دوو یاری داهاتوو دوورخراوەتەوە، چونکە هەموو سنوورێکی بەزاندووە.
ئێمە دەمانەوێت کولتوورێکی سەرکەوتوو بنیاتبنێین و ئەم جۆرە لێدوانانە زیان بە یانەکە دەگەیەنن.
جگە لە کایسێدۆ و ئینزۆ، مارک کۆکۆرێلاش لەم دواییانەدا رەخنەی توندی لە سیاسەتی گواستنەوەی یانەکە گرتووە، بەتایبەت دوای ئەوەی چێڵسی لە چامپیۆنزلیگ لەسەر دەستی پاریس سان جێرمان کرایە دەرەوە. کۆکۆرێلا پێی وایە کڕینی یاریزانی گەنج بە تەنیا بەس نییە بۆ کێبڕکێکردن لەسەر نازناوە گەورەکان.
ریال مەدرید؛ خەونی ئەستێرەکانی چێڵسی
وادیارە شکستی پڕۆژەکەی تۆد بۆیلی و دوورکەوتنەوەی چێڵسی لە نازناوەکان، وای کردووە ئەستێرە گرانبەهاکانی یانەکە چاو ببڕنە یانەی ریال مەدرید. کایسێدۆ تاوەکوو ساڵی 2023 گرێبەستی هەیە، رەنگە ئەم قسانەی لە رۆژانی داهاتوودا کاردانەوەی توندتری لێ بکەوێتەوە.
La estrella de Ecuador y del Chelsea atiende a AS desde la concentración de la Tri en Madrid para hablar del Mundial, el Chelsea… o su futuro en Londres.
✍️ @edu17burgos pic.twitter.com/wEAhaLyuBt
— Diario AS (@diarioas) April 3, 2026
