بەپەلە؛ ئیتاڵیا شکستی هێنا لە گەیشتن بە مۆندیال
یاریگا –
ئیتاڵیا لە پاشکۆی پاڵاوتنەکان دوای یەکسانبوونی لە کاتی ئاسایی و دوو تایمی زیادکراو لەگەڵ بۆسنە، نەیتوانی سەربکەوێت بۆ مۆندیالی 2026.
هەردوو هەڵبژاردە دوای یەکسانبوونیان بە گۆڵێک، لە دوو تایمە زیادکراوەکاندا نەیانتوانی یەکلایی بکەنەوە، هەربۆیە لێدانە یەکلاکەرەوەکان بڕیاری کۆتایی دا و بۆسنە سەرکەوت بۆ پاڵەوانێتیەکە.
ئەگەرچی ئیتاڵییەکان لە خولەکی 15 لە رێگەی مۆیس کین دەستپێشخەرییان کرد لە کردنەوەی گۆڵ، بەڵام خاوەن ماڵ خۆی بەدەستەوە نەدا و لە خولەکی 79 ئەنجامەکەیان یەکسانکردەوە.
ئازووری ماوەیەکە نەفرەتی پاڵاوتنەکان بەرۆکی گرتوون. ماوەی 12 ساڵە (سێ مۆندیال) ناتوانن سەربکەون بۆ ئەو پاڵەوانێتیە گەورەیە.
دوایین جار بەشداریی جامی جیهانیان کردبێت، ساڵی 2014 بوو کە لە بەڕازیل بەڕێوەچوو. ئەوەش کارەساتێکی گەورەیە بۆ یەکێتی تۆپی پێی ئەو وڵاتە و مێژووی هەڵبژاردەکە کە خاوەنی چوار نازناون هاوشێوەی ئەڵمانیا و تەنیا بەڕازیل لەپێشیانەوەیە.
🚨 BREAKING: Italy are OUT of the 2026 World Cup.
Third World Cup missed in a row. ❌🇮🇹 pic.twitter.com/ckUngZVDHD
— Fabrizio Romano (@FabrizioRomano) March 31, 2026
جارێ دیار نییە گۆڕانکارییەکان لەدوای کرانەدەرەوەی هەڵبژاردەکەیان چی دەبێ، گۆڕینی جینارۆ گاتوزۆی راهێنەر رەنگە یەکێک بێت لە سیناریۆ چاوەڕوانکراوەکان.
🚨🇧🇦 BOSNIA HAVE QUALIFIED FOR THE 2026 WORLD CUP AFTER BEATING ITALY ON PENALTIES! ✅pic.twitter.com/rQWzbRS5fO
— Tekkers Foot (@tekkersfoot) March 31, 2026
