یاریگا –
ئولی هۆینێسی سەرۆکی فەخری بایرن میونشن باس لە یەکەمین پەیوەندی دەکات کە لەگەڵ پێپ گواردیۆلا ئەنجامیان دابووە بۆ پرسیارکردن لەسەر تواناکانی ڤینسینت کۆمپانی.
گواردیۆلا و کۆمپانی مێژوویەک لە کاری پێکەوییان هەیە وەک راهێنەر و یاریزانە لە مانچێستەر سیتی (2016-2019). لەسەر بنەمای ئەو ئەزموونەشە کە گواردیۆلا لەمێژە رای خۆی بەشێوەیەکی زۆر ئەرێنی لەبارەی داهاتووی کۆمپانی وەک راهێنەر وتووە.
کۆمپانی بەلجیکی لە مانگی مایۆ/ئایاری 2024 پۆستی راهێنەرایەتی بایرن میونشنی وەگرت دوای دوو ساڵ ئەزموونکردنی بوارەکە لەگەڵ ئەندەرلەختی وڵاتەکەی و دوو ساڵیش لەگەڵ بێرنلی.
لە نوێترین لێدوانیدا هۆینێسی سەرۆکی فەخری باڤارییەکان وتی
کە پەیوەندیما بە گواردیۆلاوە کرد بۆ پرسیارکردن لەبارەی کۆمپانی، پێی وتین بیری لێ نەکەینەوە و بیبەن!
🚨 Bayern’s Uli Hoeneß on appointing Vincent Kompany: “When we called Pep Guardiola before signing Vincent and asked what he thought of him…
…he said we could take Kompany blindly”, told Kicker. pic.twitter.com/Igrt8Delu9
— Fabrizio Romano (@FabrizioRomano) March 29, 2026
لە وەسفی راهێنەرەکەیاندا کە ئەم وەرزە تیمێکی تەواو تۆقێنەری بۆ دروستکردوون، هۆینێس وتی
کۆمپانی تا 2029 گرێبەستی لەگەڵماندا هەیە… ئەوەش بۆ ئێستای تۆپی پێی سەردەم، ماوەیەکی بێ کۆتاییە. هەر ئەوە دەرخەری باوەڕی تەواومانە بە تواناکانی. بەوە ویستمان پێی رابگەیەنین کە بەتەواوەتی رازیین لە کارەکانی.
🚨 Bayern’s Uli Hoeneß on showing full trust to Kompany: “His contract is until 2029, that’s five years… an eternity in today’s football. That was an incredible show of faith”.
“We wanted to express that we are completely convinced of his work”, told Kicker via @iMiaSanMia. pic.twitter.com/pncjXLANAM
— Fabrizio Romano (@FabrizioRomano) March 29, 2026
کۆمپانی تا ئێستا دوو نازناوی لەگەڵ بایرن بردووەتەوە، بوندسلیگا و جامی سوپەری ئەڵمانیا. ئەم وەرزەش بە جیاوازییەکی زۆر لەپێش یانە رکابەرەکانی خولی ئەو وڵاتەوە دێت. لە چامپیۆنزلیگیش گەیشتووەتە چارەکی کۆتایی و رووبەڕووی ریال مەدرید دەبێتەوە وەک تاقیکردنەوەی راستەقینەی ئەم وەرزەی.
