دوو ئەستێرە دیاریکراون؛ پلانی لیڤەرپوول بۆ لەبیرکردنی سەڵاح
یاریگا –
دوای نۆ ساڵ پۆشینی درێسی سوور لە کۆتایی وەرزدا فیرعەونە میسڕییەکە ئانفێڵد جێدەهێڵێت.
دوای نۆ وەرز و کابینەیەکی پڕ لە نازناو، لەنێوانیشیان دوو پرێمەرلیگ و چامپیۆنزلیگێک، محەممەد سەڵاح رۆیشتنی لیڤەرپوولی لە کۆتایی وەرزەکە راگەیاند. هێرشبەرە میسڕییەکە کە ساڵێک لە گرێبەستەکەی ماوە بەخۆڕایی ئانفێڵد جێدەهێڵێت تاوەکوو سەرکێشییەکی دیکە تاقی بکاتەوە، کە بە ئەگەری زۆرەوە لە سعوودییە یان ئەمریکا دەبێت.
رۆیشتنی فیرعەونە میسڕییەکە بە واتای کۆتایی یەکێک لە زێڕینترین سەردەمەکانی لیڤەرپوول دێت، کە بردنەوەی یاریی کۆتایی چامپیۆنزلیگی 2019 بەرامبەر تۆتنهام گەیشتە لووتکە. بەبێ یۆرگن کڵۆپ وەکوو راهێنەر، تەنیا دوو یاریزان لە تیمی سەرەکی لە پێکهاتە دەمێننەوە: ئالیسن بێکەر و ڤێرجل ڤان دایک. گرێبەستی ئاندی رۆبێرتسن لەم هاوینە کۆتایی دێت و تیمەکەی سکاوز بەردەوام نابێت.
لیڤەرپوول هاوینی رابردوو پارەیەکی یەکجار زۆری خەرجکرد، یاریزانی گرنگی کڕی کە تاوەکوو ئێستا لەو ساڵەی بە ماوەی گۆڕانکاریی دەبینرێت نەگەیشتوونەتە لووتکەی ئاستی خۆیان. ئیساک، ئێکیتیکێ، ڤێرتز، فریمپۆنگ، کێرکێز…هەموویان بناغەیەکی گەورەن بۆ کارکردن، بەڵام لە ئانفێڵد بەدوای ئەستێرەیەکدا دەگەڕێن تاوەکوو پڕۆژەکە بنیاد بنێنەوە.
— Mohamed Salah (@MoSalah) March 24, 2026
هەروەها هێشتا روون نییە وەرزی داهاتوو کێ راهێنەرایەتی تیمەکە دەکات، ئارنە سڵۆت بە نازناوی خول دەستیپێکرد بەڵام نەیتوانیوە پارێزگاری لە هەمان ئاستی ساڵی رابردووی بکات و راهێنەرە هۆڵەندییەکە لەپێناو ئەرکەکەی لە چامپیۆنزلیگ یاری دەکات، کە تێیدا لە قۆناخی چارەکی کۆتایی رووبەڕووی پاریس سانجێرمانی تیمە تۆقێنەرەکەی لویس ئێنریکێ دەبنەوە.
هەموو ئەمانە لە کاتێکدایە دەنگۆی واژۆکردنی گرێبەست لەگەڵ چابی ئالۆنسۆ وەکوو راهێنەر بەهێزتر دەبێت. ئەستێرەکەی ئیسپانی لەو ماوەیەی لەگەڵ لیڤەرپوول وەکوو یاریزان جێدەستی خۆی دیاریکردووە، بەشێک بوو لە لیڤەرپوولەکەی رافایل بێنیتێز و یەکێکە لە بەربژێرەکان ئەگەر گۆڕانکاریی لە راهێنەرایەتی یانەکە بکرێت.
لیڤەرپوول ئەگەر لە دۆخێکی دارایی باش بێت، بەرەو گرێبەستێکی گەورە هەنگاو دەنێت و مایکڵ ئۆلیس وەکوو ئامانجی سەرەکی لە لیستی ئامانجەکان دیاریکراوە. یاریزانە فەڕەنسییەکە وەرزێکی نایاب لە بایرن میونشن بەڕێدەکات و چەند یانەیەک بەمەبەستی گواستنەوەی لە دەرگای یاریزانەکەیانداوە. بەڵام ئەڵمانییەکان ناهێڵن ئەمە ئاسان بێت بەوپێیەی یاریزانەکە تاوەکوو هاوینی 2029 گرێبەستی هەیە و بەهاکەی بە 200 ملیۆن یۆرۆ دەخەمڵێنرێت.
برادلی بارکۆلا یەکێکی دیکەیە لە بەربژێرەکان بۆ شوێنگرتنەوەی سەڵاح لە ئانفێڵد. بەهۆی ئەوەی دوای گەشانەوەی دێزری دوێ رۆڵێکی کەمتر لە پاریس سانجێرمان دەگێڕێت، هاوینی رابردوو هێرشبەرە فەڕەنسییەکە بیری لە رۆیشتن دەکردەوە و لیڤەرپوولیش گرنگی پێدەدا، بەڵام لویس ئێنریکێ دەرگای بەڕووی رۆیشتنیدا داخست.
ئەو ئامانجەی کە ئەگەری شیانی هەیە، یان دیۆماندێ، یاریزانی لایپیزیگە. لیڤەرپوول ماوەیەکی زۆرە چاودێریی هێرشبەرە کۆتیڤوارییەکە دەکات و سوورە لەسەر گواستنەوەی. خێراییەکەی و توانای لە یەک بەرامبەر لەگەڵ پرێمەرلیگ زۆر گونجاوە. ئەڵمانییەکان بەرامبەر دەستبەرداربوون لێی داوای نزیکەی 100 ملیۆن یۆرۆ دەکەن.
200 ملیۆن یۆرۆ بۆ جێگرەوەی سەڵاح؛ لیڤەرپوول و ریال مەدرید شەڕ لەسەر ئەستێرەیەکی بایرن میونشن دەکەن
