بریکارەکەی لەسەر یانەی داهاتووی سەڵاح هاتە دەنگ
رامی عەباس بریکاری کارەکانی محەمەد سەڵاح هەمووان ئاگاداردەکاتەوە هەڵنەخەڵەتێن بەو کەسانەی بۆ ڵایک و کۆمێنت پڕوپاگندە دروست دەکەن لەسەر داهاتووی ئەستێرە مسڕییەکە.
بەڕێوەبەری کارەکانی محەمەد سەڵاح جەخت لەوە دەکاتەوە کە هیچ شوێنێک بۆ داهاتووی یەکلایی نەکراوەتەوە، دوای ئەوەی ڕاگەیەندرا کە لە کۆتایی ئەم وەرزەدا لیڤەرپوول جێدەهێڵێت.
لە کاتێکدا کەمێک زیاتر لە ساڵێک لە گرێبەستەکەی ماوە، سەڵاح و لیڤەرپوول ڕێککەوتوون کە لەم هاوینەدا ڕێگەیان جیاببێتەوە.
ماوەیەکی زۆرە ناوی سەڵاح دەبەسترێتەوە بە چوون بۆ خولی پیشەگەری سعودییەوە، لە هەمان کاتیشدا خولی ئەمریکی وەک وێستگەیەکی دیکەی پێشبینیکراو ناوی هێنراوە.
بەڵام ڕامی عەباس، بەڕێوەبەری کارەکانی یاریزانەکە، جەخت لەوە دەکاتەوە کە تا ئێستا هیچ بڕیارێک نەدراوە.
ئەو لە تۆڕی کۆمەڵایەتیی ئێکس بڵاویکردەوە: “ئێمە نازانین محەمەد وەرزی داهاتوو لە کوێ یاری دەکات.
ئەمەش بەو مانایە دێت کە هیچ کەسێکی دیکەش نازانێت. ئاگاداری ئەو کەسانە بن کە خۆیان دەفرۆشن تەنها بۆ ڕاکێشانی سەرنج و بەدەستهێنانی کلیک هەواڵ بڵاودەکەنەوە.”
We do not know where Mohamed will play next season. This also means that no one else knows. Beware of the click-whoring attention seekers.
— Ramy Abbas Issa (@RamyCol) March 24, 2026
شەوی رابردوو بەشێوەیەکی کتوپڕ محەمەد سەڵاح لە پێگەی فەرمی خۆی رایگەیاند کەوا ریزەکانی لیڤەرپوول لە هاوینی ئەمساڵدا جێدەهێڵێت.
