یاریگا –
رۆبێرتۆ دی زێربی رۆبێرتۆ دی زێربی ئارەزووی وەرگرتنی پۆستی راهێنەرایەتی تۆتنهام دەکات، ئەگەر یانەکە وەرزی داهاتوو لە پرێمەرلیگ بمێنێتەوە.
رۆژنامەی تێلێگراف بڵاویکردووەتەوە، تۆتنهام دەیەوێت ئەرکی راهێنەرایەتی یانەکەی بە دی زێربی بسپێرێت و راهێنەرە ئیتاڵییەکەش خواستی وەرگرتنی پۆستەکەی هەیە بەڵام پێویستە یانەکە ئەم وەرزە دانەبەزێت و لە پرێمەرلیگ بمێنێتەوە.
Spurs have already held talks with Italian coach and are also closing in on new sporting director with Sebastian Kehl a fresh candidate
🔗: https://t.co/75b0OuLB7v pic.twitter.com/zsG9q6JqFs
— Telegraph Football (@TeleFootball) March 23, 2026
بەگوێرەی زانیارییەکانی هەمان سەرچاوە، بەرپرسانی تۆتنهام گفتوگۆیان لەگەڵ دی زێربی کردووە و راهێنەرەکە بۆ قایلبوون بە گرێبەستەکە تەنیا مەرجی مانەوەی بۆ یانە لەندەنییەکە داناوە.
دی زێربی لە مانگی دووی ئەمساڵ دەستی لە پۆستی راهێنەرایەتی یانەی مارسیلیا کێشایەوە و تاوەکوو ئەرکی راهێنەرایەتی هیچ یانەیەکی دیکەی وەرنەگرتووە، بەهێزترین بەربژێرە بۆ بوون بە راهێنەری وەرزی داهاتووی سپێرس.
تۆتنهام ئێستا لە دۆخێکی ئێجگار خراپدایە، بە کۆکردنەوەی 30 خاڵ لە پلەی 17ـی ریزبەندی پرێمەرلیگ دێت و تەنیا یەک خاڵ لە ناوچەی دابەزین دوورە.
