یاریگا –
ئالێکساندەر پاڤلۆڤیچ بەهۆی پێکانەوە پەیوەندی بە شاندی هەڵبژاردەی ئەڵمانیاوە ناکات.
بەگوێرەی سکای سپۆرتی ئەڵمانی، دوای پشکنین و راوێژی زۆر بڕیاردرا کە ئالێکساندەر پاڤلۆڤیچی ناوەڕاستکاری بایرن میونشن، پەیوەندی بە ریزەکانی هەڵبژاردەکەیەوە نەکات بەهۆی هەبوونی ئازار لە جوومگەی رانی. پلانەکە ئەوەیە هیچ سەرکێشییەک بە یاریزانەکەوە نەکرێت و مەترسی نەخرێتەسەر.
ئەگەرچی پاڤلۆڤیچ هیوای دەخواست هێشتا بتوانێت گەشت بکات، بەڵام لە چەند کاتژمێری رابردوودا سەرجەم لایەنەکان لەسەر بڕیارەکە رێککەوتن. پێشبینی دەکرێت یاریزانەکە دوای پشووی یارییە نێودەوڵەتییەکان بگەڕێتەوە و ئامادەی یاریکردن بێت.
کێری هاو، رۆژنامەنووسی سکای سپۆرت دەڵێت:
پاڤلۆڤیچ لە پێش یارییەکەی یونیەن بەرلین لە جوومگەی رانیدا هەستی بە ئازار کرد و هەر لەبەر ئەوەش ناوی لە پێکهاتەی بایرن میونشن نەبوو. کریستۆف فرۆینتی بەڕێوەبەری وەرزشی بایرن میونشنیش هەمان شتی گوت.
Aleksandar Pavlovic wird nach Sky Sport Informationen vorerst verletzungsbedingt nicht zum DFB-Team reisen! 🇩🇪❌ Diese Entscheidung wurde nach weiteren Absprachen und Untersuchungen getroffen.
↪️ Der Plan ist, dass nichts riskiert wird. Der Bayern-Profi soll aber spätestens nach… pic.twitter.com/CSLDwf3wKy
— Sky Sport (@SkySportDE) March 23, 2026
