یاریگا –
دیمیتری پایێت، یاریزانی پێشووی هەڵبژاردەی فەڕەنسا وازهێنانی یەکجاری لە یاریکردن راگەیاند.
بەفەرمی، رۆژی یەکشەممە، 22ـی ئاداری 2026، پایێت لە تەمەنی 39 ساڵی وازهێنانی لە تۆپی پێ راگەیاند.
ئەستێرە فەڕەنسییەکە سەرەڕای بەردەوام پێشکەشکردنی ئاستی بەرز لە یارییەکان، بەبێ بردنەوەی هیچ نازناوێک کۆتایی بە ژیانی پیشەگەری هێنا.
Grande séquence émotions sur Ligue 1+ 🥹
La légende de Ligue 1, 𝑫𝒊𝒎𝒊𝒕𝒓𝒊 𝑷𝒂𝒚𝒆𝒕, annonce en exclusivité au micro de @SmaBouabdellah la fin de sa très riche carrière 👏 pic.twitter.com/iTnp42KBVe
— L1+ (@ligue1plus) March 22, 2026
لە 39ـەمین ساڵیادی لەدایکبوونم، بەفەرمی وازهێنانی خۆم لە تۆپی پێ رادەگەیەنم. خەونم ئەوە بوو ببمە یاریزانێکی پیشەگەر و بۆ ماوەی 20 ساڵ لە بەرزترین ئاستدا بەدەستم هێنا. هەروەها یاریشم بۆ هەڵبژاردەی نیشتیمانی کرد. ئەمە کۆتایی سەرکێشییەکی گەورەیە.
ئێستاش خواستی یاریکردنم زۆرە، بەڵام تەمەنم 39 ساڵە و جەستەم جیاوازە، نامەوێت ببمە بەشێک لە پڕۆژەیەک کە ناتوانێت لە %100 رۆڵی خۆمی تێدا بگێڕم.
ناوەڕاستکارە فەڕەنسییەکە 38 یاریی بە درێسی هەڵبژاردەی وڵاتەکەی کردووە و 8 گۆڵی کردووە. لەسەر ئاستی یانەکانیش زۆرترین یاریی بە درێسی مارسیلیا کردووە کە 326 یارییە، لەو ژمارەیەش 78 گۆڵی کردووە و 96 گۆڵیشی بۆ هاوڕێکانی دروستکردووە.
دوایین یانەی پایێت ڤاسکۆ دی گاما بوو و لە هاوینی رابردوو رۆیشتنی لە یانە بەڕازیلییەکە راگەیاند.
