یاریگا –
پێگەی ماتیاس ئالمێیدا لەژێر پێداچوونەوەی خێرادایە و سێ بەربژێر بۆ شوێنگرتنەوەی دیاریکراون.
شکستی سێڤییا بەرامبەر ڤالێنسیا بووەتە خاڵی بڕیاردان، رۆژی یەکشەممە بەڕێوەبەرانی یانەکە کۆبوونەوەیەکی خێرایان ئەنجامدا و بڕیاریانداوە لە پشووی فیفا کات بە راهێنەرێکی نوێ بدەن کار بکات. بەگوێرەی گۆنزالۆ کۆرتۆتاس، رۆژنامەنووسی ناوداری ئیسپانی، سێڤییا بڕیاریی تەواوی داوە و پێشبینی دەکرێت ئەمڕۆ بەفەرمی رابگەیەنرێت.
سێڤییا تەنیا سێ خاڵ لە ناوچەی دابەزینەوە دوورە و ئالمێیداش هیچ شتێکی لەدەست نایەت. دەستپێکی راهێنەرەکە هیوای هاندەرانی بەرزکردەوە بەڵام کورتخایەن بوو. لە کۆی 32 یاریی ئەم وەرزە تەنیا 10 بردنەوەی هەیە، 15 یاریی شکستی هێناوە و پێنج یارییش یەکسانبووە.
سێڤییا سێ کەسی وەکوو جێگرەوە دەستنیشان کردووە، لیوس گارسیا پلازا، دیێگۆ مارتینێز و مانۆلۆ خیمینێز. دوورخستنەوەی ئالمێیدا تەنیا لەسەر کات وەستاوە، لەگەڵ ئەوەشدا دیاریکردنی جێگرەوە مەترسییەکی گەورەیە. گۆڕینی راهێنەر هیچ دڵنیاییەک نادات، بەڵام نەکردنی هیچ شتێکیش مەترسییەکەی زیاترە.
🔴⚪️🚨 Confirmado.
❗️El Sevilla FC ha decidido que Matías Almeyda deje de ser entrenador del Sevilla FC.
Mañana está previsto que se cierre todo. Conversaciones con varios entrenadores.
Iremos informando en @elchiringuitotv. pic.twitter.com/fLAhcBita0
— Gonzalo Tortosa (@GonzaloTortosa) March 22, 2026
