یاریگا –
ترێنت ئالێکساندەر ئاڕنۆڵد لەلایەن ئالڤارۆ ئاربێلوا، راهێنەری ریال مەدرید سزادرا و لە دێربیی مەدرید لە پێکهاتەی سەرەکی دوورخرایەوە.
شەوی رابردوو ریال مەدرید لە یاریگای بێرنابیۆ میوانداریی ئاتلێتیکۆ مەدریدی کرد 3-2 یارییەکەی لێ بردەوە. بە شێوەیەکی چاوەڕواننەکراو ئاڕنۆڵد لە پێکهاتەی سەرەکی مێرەنگی دوورخرایەوە و تۆڕی ئاتێلیک لە زاری سەرچاوەیەکی ئاگادار هۆکارەکەی رووندەکاتەوە.
Trent Alexander-Arnold was dropped for Real Madrid’s starting line-up against Atletico Madrid for being late to training this week.
More from @MarioCortegana https://t.co/gHRAn1mcXG
— The Athletic | Football (@TheAthleticFC) March 22, 2026
بەگوێرەی زانیارییەکانی تۆڕە ئەمریکییەکە، بەهۆی ئەوەی لە کاتی خۆیدا لە مەشقەکانی یانەکە ئامادە نەبووە، ئاڕنۆڵد وەکوو سزایەک لە پێکهاتەی سەرەکی بەرامبەر ئاتلێتیکۆ دوورخراوەتەوە.
دواتر لە خولەکی 64ـی یارییەکە هاتە نێو یاریگا و گۆڵی سێیەمی یانەکەی دروستکرد، لەپاش یارییەکەش ئاربێلوا ستایشی ئاستە بەرزەکەی کرد.
زۆر دڵشادم بەو کاریگەرییەی یاریزانە یەدەکەکان لە کاتی هاتنەناوەوەیان دروستیانکرد.
ئاڕنۆڵد هاوینی رابردوو لە لیڤەرپوولەوە پەیوەندی بە ریال مەدرید کرد، تاوەکوو ئێستا لە سەرجەم پاڵەوانێتییەکان 26 یاریی کردووە، پێنج گۆڵی بۆ هاوڕێکانی دروستکردووە.
