یاریگا –
جۆشوا کیمیچ، ئەستێرەی یانەی بایرن میونشن، بە راشکاوی باسی لە رووبەڕووبوونەوە چاوەڕوانکراوەکەی بەرامبەر ریاڵ مەدرید کرد كه قۆناخی چارەکی کۆتایی خولی پاڵەوانەکانی ئەوروپا بهرامبهر یهكتر یاریی دهكهن.
کیمیچی 31 ساڵ بە تۆڕی (Sky Sports)ی ئەڵمانی راگەیاند:
“چاوەڕوانییەکی زۆر هەیە؛ لەو کاتەوەی پەیوەندیم بەم تیپەوە کردووە چەندین جار بەرامبەر ریاڵ مەدرید یاریمان کردووە، بەڵام لە هەموو جارەکاندا کراینە دەرەوە.”
Joshua Kimmich on facing Real Madrid: “We’re really looking forward to it. Since I’ve been here we played Real Madrid several times – and we’ve always been knocked out. We weren’t often the worse team, we were often just unlucky. At some point it’s about time.. We’re feeling good… pic.twitter.com/oQOnwdmCkh
— Bayern & Germany (@iMiaSanMia) March 21, 2026
هەروەها گوتیشی:
“لە زۆربەی جارەکاندا ئێمە تیپە لاوازەکە نەبووین، بەڵکو تەنیا بێبەخت بووین. ئێستا کاتی ئەوە هاتووە ئەمە بگۆڕین، ئێمە لە بارودۆخێکی دەروونی زۆر باشدان و بە پەرۆشەوە چاوەڕێی ئەم یارییە دەکەین.”
کیمیچ تاوهكو ئێستا پێنج یاری بەرامبەر ریاڵ مەدرید كردووه و بایرن میونشن لە هیچ کامیاندا سەرکەوتوو نەبووە؛ تێیدا سێ جار دووچاری شکست بوون و دوو جاریش بەرامبەربوون، ئەمە جگە لە شکستێکی تر کە کیمیچ لەسەر کورسی یەدەگ بینەر بووه.
ئەم لێدوانانەی کیمیچ دوای سەرکەوتنە گەورەکەی باڤاری هات بەرامبەر یۆنیۆن بەرلین بە ئەنجامی 4-0، براوه بوون کە بەهۆیەوە پێگەی خۆیان لە پێشەنگی خولی ئەڵمانی بەهێزتر کرد.
