هانزی فلیک: ئێستاش لیڤاندۆڤسکی یەکێکە لە باشترینەکانی جیهان

یاریگا –

هانزی فلیک ستایشێکی بێ وێنەی رۆبێرت لیڤاندۆڤسکی کرد و وەڵامی رەخنەگرانی هێرشبەرەکەی دایەوە.

ئەمشەو گۆڵکارە پۆڵەندیەکە بە تۆمارکردنی 2 گۆڵ سەرکردایەتی تیمەکەی فلیکی کرد لە بردنەوە گەورەکەیان 7-2 بەرامبەر نیوکاسڵ لە چوارچێوەی یاریی گەڕانەوەی چامپیۆنزلیگ. بەوەش بارسا بە کۆی ئەنجامی هەردوو یاریی چوون و گەڕانەوە 8-3 سەرکەوت بۆ چارەکی کۆتایی پاڵەوانێتیەکە.

لیڤاندۆڤسکی کە لە ماوەی رابردوودا دوورکەوتبووە لە پیشاندانی توانا گۆڵکارییەکانی، رووبەڕووی رەخنە دەبووەوە. ئەمشەو دوای یارییەکە راهێنەرە ئەڵمانییەکە لە وەسفی یاریزانە 37 ساڵیەکە وتی

ئێوە دەتانوت رەنگە لیڤاندۆڤسکی کۆتایی هاتبێ، نا؟

دەی ئەوە ئەمشەو لە چامپیۆنزلیگ 2 گۆڵی تۆمارکرد کە زۆر مایەی خۆشحاڵی بوو بینیم، بەتایبەت گۆڵی یەکەمی کە زۆر تایبەت بوو بۆ من. ئەو ئێستاش یەکێکە لە باشترین یاریزانەکان و یەکێکە لە باشترین هێرشبەرەکان.

لیڤا لەم وەرزە لە سەرجەم پاڵەوانێتیەکاندا لە 32 یارییدا توانیویەتی 16 گۆڵ و 2 ئەسێست بکات.

‼️Hansi Flick: “You said Lewandowski was maybe finished… no?”

“Well today he scored two goals, in the Champions League. It was so nice to see, especially the first goal which was very special for me.”

“He is still one of the best players and one of the best strikers.” pic.twitter.com/VbmGgbvqND

— Barça Universal (@BarcaUniversal) March 18, 2026