بەربژێرانی باشترین یاریزانی پرێمەرلیگ ئاشکرا بوون؛ رایس یان فێرناندێش؟

یاریگا –

لەدوای نزیکبوونەوە لە کۆتایی هاتنی ئەم وەرزەی پرێمەرلیگ، مشتومڕەکان لەسەر ئەوەی کێ وەک باشترین یاریزانی وەرزی 2025/2026 دەستنیشان دەکرێت، گەرمتر دەبێت.

بەگوێرەی هەواڵێکی رۆژنامەی نیویۆرک تایمز، نووسەرەکانیان ئانتوان سێمینیۆ، گابرێل، دەیڤد رایا، برۆنۆ فێرناندێش، ئیگۆر تیاگۆ و دیکلان رایسیان بەربژێر کردووە.

دێکلان رایس

یەکێک لە بۆچوونەکان ئەوەیە کە دێکلان رایس شایەنی ئەوەیە خەڵاتەکە بباتەوە، بەڵام دەنگەکانی سێمێنۆ بەهۆی درەوشاوەیی لەم وەرزەدا زیاترە. لە 29 یاری خولدا 15 گۆڵی تۆمارکردووە، بە دەگمەن وەک ناوەڕاستکاری هێرشبەری یاریی دەکات و لە گواستنەوەی زستانە لە بۆرنمۆسەوە پەیوەندی بە مانچێستەر سیتی کردووە و ئاستی لەسەرجەم هێرشبەرەکانی دیکەی یانەکە باشتر بووە.

گابریێل

گابرێل وەک بەرگریکارێکی ناوەڕاستی بە ئەزموون ستایشی دەکرێت کە توانای جەستەیی بەهێزی هەیە و وەک هەڕەشەیەک بۆ لێدانە راستەوخۆکانی ئارسیناڵ دادەنرێت. ئەو بە هەڵبژاردەیەکی باشتر لە فێرناندێش دادەنرێت.

دەیڤید رایا

سەیڤەکانی رایا و خۆ هەڵدان بۆ کۆنتڕۆلی تۆپ و دابەشکردنی تۆپەکانی بووەتە هۆی درەوشانەوەی گۆڵپارێزە ئیسپانییەکە و بە بژاردەیەکی بەهێز بۆ باشترین یاریزانی وەرز دادەنرێت. دەیڤد رایا لەم وەرزەی پرێمەرلیگدا لە کۆی 31 یارییدا 15 کلین شیتی هەبووە کە بەرزترین ژمارەی کلین شیتە لەم وەرزەدا و لەسەرجەم پاڵەوانەتییەکان ئەم وەرزە 20 کلین شیتی هەبووە.

دوای چەندین ساڵ لە نادڵنیایی لە هێڵی گۆڵپارێزییەوە، ئێستا ئارسیناڵ گۆڵپارێزێکی متمانەپێکراوی لە شوێنی رامسدەیل هەیە.

برۆنۆ فێرناندێش

برۆنۆ فێرناندێش رۆژی یەکشەممەی رابردوو توانی ریکۆردی 16 ئەسیست لە وەرزێکی پرێمەرلیگدا تۆمار بکات، ئەمەش چوار ئەسیست کەمتر بوو لە بەرزترین ئاستی وەرزەکەی دوای رۆیشتنی روبێن ئەمۆریم. فێرناندێش ئەم وەرزە 98 هەلی گۆڵکردنی رەخساندووە، رایس بە 58 هەل لە دوای ئەوەوە دێت. شایانەی باسە ئەستێرە پۆرتوگالییەکە نیو وەرزی یەکەم لە سەردەمی ئامۆریمدا لە شوێنی خۆی یاریی نەدەکرد.

ئیگۆر تیاگۆ

ئەنجامە باشەکانی برێنتفۆرد ئەم وەرزە ئیگۆر تیاگۆ بۆ لیستی بەربژێرانی باشترین یاریزان زیاد دەکات. ئیگۆر بە بڕی 36.5 ملیۆن یۆرۆ لە کلاب بروجەوە پەیوەندی بە برێنتفۆرد کرد و ئەم وەرزە توانیویەتی 19 گۆڵ بکات و ئاستە بەرزەکەی وایکردووە بۆ یەکەمجار بانگهێشتی هەڵبژاردەی بەڕازیل بکرێت.