یاریگا –
یەکێتی تۆپی پێی ئەفریقا لە بڕیارێکی مێژووییدا سەنیگالی بە دۆڕاو هەژمارکرد و جامی نەتەوەکانی کیشوەرەکەی بەخشیە مەغریب.
جامی نەتەوەکانی ئەفریقا بۆ ساڵی 2025 کە مەغریب میوانداریی کرد، فیناڵەکەی زۆرترین مشتومڕی بەدوای خۆیدا هێنا کاتێک سەنیگالییەکان بەهۆی ناڕەزایەتیەوە لە بڕیاری لێدانێکی سزا کە ناوبژیوان لەدژیانی گرتبوو، بۆ چەند خولەکێک یاریگایان جێهێشت و تا دواتر بە هەوڵی سادیۆ مانێ گەڕانەوە.
ئەگەرچی گۆڵپارێز لێدانەکەی براهیم دیازی گەڕاندەوە و دواتر توانیان بردنەوە بەدەستبهێنن و وەک پاڵەوان ئاهەنگ بگێڕن، بەڵام مەغریب کۆڵی نەدا لە سکاڵا تۆمارکردن لەسەر رووداوەکە. تا سەرەنجام ئەمشەو یەکێتیەکەی سەنیگالی تۆمەتبارکرد بە پێشێلکردنی یاسای ژمارە 84ی تایبەت بە جامی نەتەوەکانی ئەفریقا. هەربۆیە سەنیگالی بە 3-0 وەک دۆڕاو هەژمارکرد و جامەکەی بەخشیە مەغریب.
🚨🇲🇦 BREAKING: Morocco have been announced as AFCON winners with final result overturned by CAF.
Senegal have been declared to have forfeited the match with Morocco declared 3-0 winners by official statement.
CAF statement tonight. ⤵️🇲🇦 pic.twitter.com/T27V28QDes
— Fabrizio Romano (@FabrizioRomano) March 17, 2026
یەکێتی تۆپی پێی ئەفریقا نزیکە دوو مانگ دوای فیناڵەکە گەیشتە بڕیاری کۆتایی. وردەکاریی یارییەکە لەم راپۆرتەی خوارەوە بخوێنەوە:
