یاریگا –
ئارنە سڵۆتی راهێنەری لیڤەرپوول لەبەردەم تاقیکردنەوەیەکی دیکەی قورسدایە کاتێ سبەی شەو میوانداریی گالاتاسەرای دەکات لە یاریی گەڕانەوەی قۆناخی 16ی چامپیۆنزلیگ کە یاریی رۆشتنی بە گۆڵێکی بێ وەڵام بە یانە تورکیەکە دۆڕاندبوو.
لیڤەرپوول لە پرێمەرلیگیش دۆخی وێرانە و هەموو ئامانجێکیان بووەتە دەستختنی بلیتێکی پاڵەوانێتیە ئەوروپیەکانی وەرزی داهاتوو. بەوپێیەی لەدوای 30 هەفتە تەنها 49 خاڵیان کۆکردووەتەوە و لە پلەی پێنجەم دەبینرێن بە جیاوازییەکی کەم لەپێش رکابەرەکانی وەک چێڵسی و برێنتفۆرد.
لە کۆنفرانسی رۆژنامەوانی پێش یارییەکەی گالاتاسەرای، راهێنەرە هۆڵەندیەکە دانی بەو راستیەدا نا کە هەست بە فشار دەکات، ئەوە لەکاتێکدایە کە لە چەند رۆژی رابردوودا رایگەیاند هەست بە پاڵپشتی تەواو دەکات لەلایەن کارگێڕی یانەکەوە.
لە چاوپێکەوتنی پێش جەنگەکەی ئانفیڵد سڵۆت وتی
بێ گومان هەست بە فشار دەکەم. هەموومان هەست بە فشار دەکەین. لەم دامەزراوەیەدا هەموو رۆژێک فشار بوونی هەیە. بەڵام بە دیوێکی تردا بوونی ئەم فشارە شتێکی باشە، چونکە ئەوە دەگەیەنێ کە ئێمە لە ئاستی خۆماندا نین یان نزمترین لەو ئاستە. بۆیە پێشوازیی لە فشارەکە دەکەین.
🚨 Arne Slot: “Of course I feel pressure, we all feel pressure. In this industry every single day there’s pressure”.
“But it’s also nice to have this pressure as it would otherwise mean we are out or at a lower level. We embrace this pressure”. pic.twitter.com/IzP4lRsb1K
— Fabrizio Romano (@FabrizioRomano) March 17, 2026
