یاریگا –
ئیگۆر تودۆر بۆ یارییەکانی داهاتوو بەرامبەر ئاتلێتیکۆ مەدرید و نۆتینگهام فۆرێست لە ئەرکی راهێنەرایەتی تۆتنهام بەردەوام دەبێت.
رۆژنامەی تایمز بڵاویکردووەتەوە، لەدوای یەکسانبوونی لەگەڵ لیڤەرپوول لە یاریگای ئانفێڵد، بەرپرسانی تۆتنهام بڕیاریانداوە تودۆر دوورنەخەنەوە و متمانەیان هەیە بتوانێت تیپەکە سەقامگیر بکات، چونکە سەرەڕای پێکانی 12 یاریزان، یانەکە ئاستێکی بەرزی پێشانداوە.
Igor Tudor is set to remain as Tottenham Hotspur’s interim head coach for their Champions League game against Atletico Madrid on Wednesday, as well as the pivotal match at home to Nottingham Forest in the Premier League
Read more from @TomAllnutt_ ⬇️ https://t.co/ASeosarm9I
— Times Sport (@TimesSport) March 16, 2026
تودۆر پێنج یاریی تۆتنهامی بەڕێوەبردووە و هیچی یارییەکەی نەبردووەتەوە، لە چوار یارییدا شکستی هێناوە و لە یارییەکیشدا یەکسان بووە. لەدوای شکستە سەختەکەی بەرامبەر ئاتلێتیکۆ مەدرید لە چامپیۆنزلیگ و مامەڵەی راهێنەرە ئیتاڵییەکە لەگەڵ ئانتۆنین کینسکی، چەندین یاریزان لە تودۆر نیگەران بوون و یانەکە بیری لە دووخستنەوەی دەکردەوە.
سپێرس بە کۆکردنەوەی 30 خاڵ لە پلەی 16ـی ریزبەندی پرێمەرلیگە. رۆژی چوارشەممە لە یاریگای خۆی میوانداری ئاتلێتیکۆ مەدرید دەکات کە لە یاریی چوون بە ئەنجامی 5-2 یارییەکەی پێ دۆڕاند، رۆژی یەکشەممەش رووبەڕووی نۆتینگهام دەبێتەوە کە لە پلەی 17ـی ریزبەندییە و تاڕادەیەکی زۆر ئەو یارییە دابەزین یاخود مانەوەی یانەکە یەکلایی دەکاتەوە.
