زانیاریی نوێ گەیشت لەربارەی دوو ئەستێرەی ریال مەدرید بۆ یارییەکەی مانچێستەر سیتی
یاریگا –
هاندەرانی ریال مەدرید لە یەک کاتدا هەواڵێکی خۆش و یەکێکی ناخۆشیان پێگەیشت بەر لە یارییەکەی مانچێستەر سیتی.
سێشەممەی ئەم هەفتەیە یانە مەدریدیەکە لە چوارچێوەی یاریی گەڕانەوەی قۆناخی 16ی چامپیۆنزلیگ دەبێتە میوانی مانچێستەر سیتی. شاهانەکان یاریی چوونی نێو سانتیاگۆ بێرنابیۆیان بە بردنەوەیەکی گەورە 3-0 کۆتایی پێهێنا لەکاتێکدا زۆربەی یانەکە بێبەش بوو لە ئەستێرە سەرەکیەکانی وەک کیلیان ئێمباپێ، جوود بێڵینگهام، رۆدریگۆ، کارێراس و راول ئاسێسنیۆ.
بەگوێرەی نوێترین زانیاریی کە رۆدرا رۆژنامەنووسی تۆڕی هەواڵی ESPN بڵاویکردووەتەوە، بۆ یارییەکەی بەرامبەر سیتیزنس راول ئاسێنسیۆ بانگهێشت ناکرێتەوە و ئامادە نییە. ئەوەش بەهۆی ئەو پێکانەی کە لە هەفتەکانی رابردوودا تووشی هات.
🚨 JUST IN: Raul Asencio is OUT vs Manchester City. @Rodra10_97 pic.twitter.com/0t8YfnpCv5
— Madrid Zone (@theMadridZone) March 15, 2026
هەمان رۆژنامەنووس هاندەرانی مێرێنگی بە هەواڵێکی خۆش بەسەرکردووەتەوە و نووسیویەتی کیلیان ئێمباپێ لە پێکهاتەکەدا دەبێت و دەگەڕێتەوە بۆ یاریکردن.
🚨 BREAKING: Kylian Mbappé is IN THE SQUAD for the game against Manchester City.
He’s BACK. @Rodra10_97 pic.twitter.com/nhQvnloT9q
— Madrid Zone (@theMadridZone) March 15, 2026
هەواڵی گەڕانەوەی هێرشبەرە فەڕەنسیەکە بۆ تیمەکەی ئالڤارۆ ئاربێلوا لەکاتێکدایە کە لە چەند رۆژی رابردوودا دەنگۆی زۆر هەبوون تیمی یاریزانەکە نایانەوێ سەرکێشی بە کیلیانەوە بکەن تا بەتەواوەتی دڵنیا نەبنەوە لە چاکبوونەوەی کە ماوەیەکی زۆرە بدەست گرفتی ئەژنۆوە دەناڵێنێت و چەندین یاریی گرنگ لەم وەرزە دوورکەوتبووەوە. ئەو هەوڵەشیان بۆ ئەوە بووە تا پێش یارییەکانی مۆندیال هیچ مەترسیەکی لەسەر نەمێنێت.
