یاریگا –
شەوی رابردوو بایرن میونشن هێزی خۆی پیشانی رکابەرە گەورەکانی ئەوروپا دا کاتێک لە یاریی چوونی قۆناخی 16ی چامپیۆنزلیگ 1-6 لە ئاتالانتای بردەوە.
سەرباری دڵخۆشیی یانەکە بە بردنەوە گەورەکە، هاوکات بەبێ نیگەرانییش نەبوو کاتێ سێ ئەستێرەی هەر لەو یارییەدا تووشی پێکان بوون کە ئالفۆنسۆ دەیڤس (کرژبوونی ماسوولکەی قاچی راستی)، جۆناس ئێربیگی گۆڵپارێز (شڵەقانی مێشک بەهۆی بەرکەوتنەوە) و جەمال موسیالا بوون. بایرن لە بەیاننامەیەکی فەرمیدا ئەو دۆخەی پشتڕاستکردەوە، بەڵام لە هەموویان زیاتر کە مایەی نیگەرانی یانە ئەڵمانییەکەیە، پێکانەکەی موسیالایە.
🚨⚠️ Bayern confirm Alphonso Davies suffered a strain of the posterior thigh muscle in his right leg. pic.twitter.com/flvrqR44tN
— Fabrizio Romano (@FabrizioRomano) March 11, 2026
دوای یارییەکە بایرن میونشن رایگەیاند جەمال لە پاژنەی چەپیدا دووچاری پێکان هاتووە. دواتر و دوای پشکنینەکان ئاشکرایان کرد هەمان ئەو پێکانەیە لە هاوینی رابردوو دووچاری بوو کە بەهۆیەوە چەند مانگێک لە یاریکردن دوورکەوتەوە.
🚨⚠️ Jamal Musiala is struggling with a pain reaction in his left ankle, Bayern confirm.
It’s the same ankle that was injured in the summer. pic.twitter.com/VFJIw4jKHh
— Fabrizio Romano (@FabrizioRomano) March 11, 2026
ئەگەرچی هێشتا ماوەی دوورکەوتنەوەی سێ ئەستێرەکەیان بەفەرمی رانەگەیاندووە، بەڵام چاوەڕواندەکرێت هیچ سەرکێشیەکیان پێوە نەکات بەتایبەت کە دۆخیان لە خولی ئەڵمانی ئێجگار باشە و بە 11 خاڵ لەپێش نزیکترین رکابەریانەوەن کە بۆروسیا دۆرتموندە. شەممەی داهاتووش لە گەڕی 26ی خولەکە دەبنە میوانی بایەر لیڤەرکوزن. پێدەچێت ڤینسینت کۆمپانی پشوویان پێبدات تا دڵنیابوونەوەی تەواوەتی لە ئاستی پێکانەکانیان.
