ئیسپانیا

ئەتلەتیكۆ مەدرید پەیامێك ئاڕاستەی ناوبژیوانی ڤار دەكات

یاریگا- یانەی ئەتلەتیكۆ مەدرید دوای یاریەكەیان بەرامبەر ڕیاڵ مەدرید نامەیەكیان ئاڕاستەی ناوبژیوانی ڤار كرد.

دوێنێ لە یاریەكانی گەڕی 23ی خولی ئیسپانی لە یاریگای واندا میترۆپۆلیتانۆ ئەتلەتیكۆ مەدرید میوانداری ڕیاڵ مەدریدی كردو یانە شاهانەكە توانی بە ئەنجامی سێ گۆڵ بەرامبەر گۆڵێك دێربی مەدرید لە بەرژەوەندی خۆی كۆتایی پێبهێنێت.

یاریەكە چەندین دیمەنی گوماناوی لە خۆ گرت، كە گۆڵێكی مۆراتا هەژمار نەكرا و لێدانێكی سزاش بۆ ئەتلەتیكۆ هەژمار نەكرا.

دوای تەواو بوونی یاریەكە پەڕەی فەڕمی ئەتلەتیكۆ مەدرید لە تۆڕی كۆمەڵایەتی تویتەر چەند وێنەیەكی داناوە، كە لەو باوەڕەدان. ناوبژیوانی ڤار زوڵمی لێكردوون ، یەكەمیان لێدانێكی سزا بۆ ڕیاڵ هەژمار كراوە كە شایەنی نەبوون، دووەم هەژمار نەكردنی گۆڵەكەی مۆراتا ، سێیەمیان هەژمار نەكردنی لێدانێكی سزا بۆ ئەتلەتیكۆ.

 

 

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close