فۆرمولا وەن؛ جۆرج رەسڵ بووە براوەی خەڵاتی گەورەی ئوسترالیا
یاریگا –
جۆرج رەسڵ، شۆفێری تیمی مێرسێدێس بووە براوەی خەڵاتی گەورەین ئوسترالیا.
بەرەبەیانی ئەمڕۆ یەکشەممە 8ـی ئازاری 2026 یەکەم پێشبڕکێی ئەمساڵی فۆرمولا وەن لە ئوسترالیا بەڕێوەچوو، جۆرج رەسڵ، شۆفێری تیمی مێرسێدێس پلەی یەکەمی بەدەستهێناوە و بووە براوە و 25 خاڵی کۆکردەوە.
Mercedes are off to an impressive start! 😮💨
This how our Drivers’ Standings look… ⬇️#F1 #AusGP pic.twitter.com/CbUP3fBPHo
— Formula 1 (@F1) March 8, 2026
هاوکات کیمی ئانتۆنێلی، شۆفێری تیمی مێرسێدێس پلەی دووەمی بەدەستهێنا و 18 خاڵی کۆکردەوە، لەدوای ئەویش چارلس لکلێرک، شۆفێری تیمی فیراری پلەی سێیەمی بەدەستهێنا و 15 خاڵی کۆکردەوە، لویس هامڵتن، شۆفێری تیمی فیراری پلەی چوارەمی بەدەستهێنا و 12 خاڵی کۆکردەوە.
هەروەها لاندۆ نۆریس، شۆفێری تیمی مەکلارن و پاڵەوانی ساڵی رابردوو پلەی پێنجەمی بەدەستهێنا و 10 خاڵی کۆکردەوە.
ماکس ڤێرستاپن، شۆفێری تیمی رێد بووڵ سەرەڕای ئەوەی لە قۆناخی پاڵاوتن تووشی رووداو بوو، لە پێشبڕکێیەکە لە کۆتاییەوە دەستیپێکرد بەڵام توانی پلەی شەشەم بەدەستبهێنێت و 8 خاڵی کۆکردەوە.
Oscar Piastri has crashed and is OUT of the Australian Grand Prix before it begins 😮#F1 #AusGP pic.twitter.com/5prGby7dNC
— Formula 1 (@F1) March 8, 2026
هەروەها هەریەکە لە شۆفێران، ئیزاک هاجەر لە رێد بووڵ، ئۆسکار پیاستری لە مەکلارن، نیکۆ هۆڵکنبێرگ لە ئۆدی و ڤالتێری بۆتاس لە کادیلاک تووشی رووداو بوون و لە کێبڕکێیەکە کرانە دەرەوە.
فۆرمولا وەن؛ جۆرج رەسڵ دەرچووی یەکەمی خەڵاتی گەورەی ئوسترالیا دەبێت
