یاریگا –
ئەنجامەکانی تۆتنهام مەترسییەکی گەورەی لەسەر پۆستەکەی ئیگۆر تودۆر دروستکردووە و یانەکە بیر لە ماوەی مانگێکدا دووەمین راهێنەری بگۆڕێت.
رۆژنامەی تێلێگراف بڵاویکردووەتەوە، بەرپرسانی تۆتنهام ترسی دابەزینیان لێ نیشتووە و کەوتوونەتە ژێر فشاری هاندەران، ئەنجامەکانی یانەکەش لەژێر سەرپەرشتی تودۆر هێندەی دیکە بێهیوایی دروستکردووە و بیر لە دوورخستنەوەی دەکەنەوە.
تودۆر لە 14ـی مانگی شووبات تاوەکوو کۆتایی وەرز وەکوو راهێنەری تۆتنهام دەستنیشانکرا و سێ یاریی یانەکەی بەڕێوەبردووە، لە هەرسێ یارییەکەدا تووشی شکست بووە و نەیتوانیوە بردنەوە بۆ یانەکە بەدەستبهێنێت.
✍️ ‘It is time for someone else to have a go. Three games were 25 per cent of Igor Tudor’s brief and the team are in a worse place’
Another change of manager would be embarrassing for Spurs, but it could spare them a far worse fate writes @SamWallaceTel 👇… pic.twitter.com/KZntEdPlde
— Telegraph Football (@TeleFootball) March 6, 2026
رۆژنامە بەریتانییەکە ئەوەشی بڵاوکردووەتەوە، تۆتنهام چەند راهێنەرێکی دیاریکردووە و دەیەوێت لە هاوین گرێبەست لەگەڵ راهێنەری نوێ واژۆ بکات، یەکێک لە بژاردەکان رۆبێرتۆ دی زێربییە، کە بەم دواییە لەگەڵ یانەی مارسیلیا لێک جیابوونەوە و ئێستا بێ یانەیە. یەکێکی دیکە لە پاڵێوراوەکان، ماوریسیۆ پۆچێتێنیۆ، راهێنەری هەڵبژاردەی ئەمریکایە، پێشبینی دەکرێت لەدوای کۆتایی مۆندیال گرێبەستەکەی لەگەڵ هەڵبژاردەکە هەڵبوەشێنێتەوە و جارێکی دیکە بگەڕێتەوە تۆتنهام.
تۆتنهام تەنیا 9 یاریی لەم وەرزە ماوە و گەیشتووەتە قۆناخێکی یەکلاییکەرەوە، ئێستا سپێرس نەک تەنیا بۆ مانەوە، بەڵکوو بۆ پاراستنی داهاتووی یانەکە دەچێتە نێو یارییەکان و ئامانجی بردنەوەی سەرجەم یارییەکانی داهاتوویە.
