یاریگا –
بارسێلۆنا ئارەزووی گواستنەوەی لوکا ڤوسکۆڤیچ، بەرگریکاری کڕواتی یانەی هامبورگ دەکات و هەوڵەکانی بۆ گواستنەوەی دەستپێکردووە.
فلۆریان پلێتنبێرگ، رۆژنامەنووسی بەناوبانگ لە تۆڕی سکای ئەڵمانیا بڵاویکردووەتەوە، بارسێلۆنا لە نزیکەوە چاودێریی دۆخی ڤوسکۆڤیچ دەکات و گفتوگۆ سەرەتاییەکان بۆ بەدەستهێنانی واژۆی یاریزانەکە دەستپێکردووە.
🚨🆕 FC Barcelona are closely monitoring Luka #Vuskovic and have added him to their shortlist for the summer. Hansi Flick appreciates him. Initial talks have already taken place.
Hamburger SV are pushing for a second loan. #HSV
Tottenham’s clear plan is to bring the 19 y/o gem… pic.twitter.com/eH7iBJYxAQ
— Florian Plettenberg (@Plettigoal) March 6, 2026
بەرگریکارە تەمەن 19 بەهارییەکە یاریزانی یانەی تۆتنهامە و بە خواستن تاوەکوو کۆتایی وەرز یاریی بۆ هامبورگ دەکات. بەگوێرەی زانیارییەکانی پلێتنبێرگ، یانە ئەڵمانییەکە دەیەوێت ماوەی خواستنەکەی ڤوسکۆڤیچ درێژبکاتەوە و وەرزێکی دیکە بەرگریکاری لە تۆڕی گۆڵی یانەکەیان بکات.
هەمان سەرچاوە ئەوەشی روونکردووەتەوە، هانزی فلیک، راهێنەری بارسێلۆنا زۆر سەرسامی بەرگریکارە لاوە کڕواتییەکەیە و ئارەزووی گواستنەوەی دەکات بەڵام تۆتنهام دەیەوێت لە هاوینی داهاتوو بگەڕێنێتەوە و نیازی دەستبەرداربوونی لە یاریزانەکەی نییە.
ڤوسکۆڤیچ ئەم وەرزە 23 یاریی بۆ هامبورگ کردووە و چوار گۆڵیشی کردووە.
