فەرمی؛ بارسێلۆنا پێكانی دوو یاریزانی راگەیاند

یاریگا –

یانەی بارسێلۆنای ئیسپانی پێكانی هەردوو یاریزان ئالیخاندرۆ بالدێ و ژووڵ كۆندێ بەرگریكارانی یانەكەی راگەیاند.

شەوی رابردوو بارسێلۆنا لە یاریگای سپۆتیفای كامپ نۆوی تایبەت بە خۆی میوانداری ئاتلێتیكۆ مەدریدی كرد و یارییەكەشی بە ئەنجامی سێ گۆڵی بێ وەڵام لێبردەوە، لە میانی یاریی گەڕانەوەی قۆناخی پێشكۆتایی جامی شای ئیسپانیا.

بەئەنجامی هەردوو یاریی چوون و هاتن ئاتلێتیكۆ مەدرید بە چوار گۆڵ بەرامبەر سێ گۆڵ لە بارسێلۆنای بردەوە و خۆی گەیاندە یاریی كۆتایی جامی شای ئیسپانیا.

لە خولەكی 13 یارییەكەدا ژووڵ كۆندێ بەهۆی پێكان یاریگای جێهێشت و ئالیخاندرۆ بالدێ لە جێگای هاتە نێو یاریگا، پاشان لە خولەكی 71 یارییەكەدا ئالیخاندرۆ بالدێش بەهۆی پێكان یاریگای جێهێشت و رۆناڵد ئاراوخۆ جێگای گرتەوە.

❗️𝗠𝗲𝗱𝗶𝗰𝗮𝗹 𝘂𝗽𝗱𝗮𝘁𝗲
First-team player Alejandro Balde has suffered a distal hamstring (biceps femoris) injury in his left thigh.

Examinations indicate that the recovery process will take approximately 4 weeks. pic.twitter.com/bBgPEtU9X0

— FC Barcelona (@FCBarcelona) March 4, 2026

هەژماری فەرمی بارسێلۆنا لە پلاتفۆرمی ئێكس پێكانی ئالیخاندرۆ بالدێ و ژووڵ كۆندێی راگەیاند.

ئالیخاندرۆ بالدێ، یاریزانی تیمی یەكەمی یانەكەمان لە لە بەشی خوارەوەی ماسولكەی رانی چەپی تووشی پێكان بووە.

پشكنینەكان ئاماژە بەوە دەكەن كە پڕۆسەی چاكبوونەوەی چوار هەفتە دەخایەنێت.

❗️𝗠𝗲𝗱𝗶𝗰𝗮𝗹 𝘂𝗽𝗱𝗮𝘁𝗲

First-team player Jules Kounde has suffered a mid-belly hamstring (biceps femoris) injury in his left thigh. His recovery progress will determine his availability. pic.twitter.com/M8YWrOp355

— FC Barcelona (@FCBarcelona) March 4, 2026

دەربارەی كۆندێ بارسێلۆنا رایگەیاند.

ژووڵ كۆندێ یاریزانی تیمی یەكەمی یانەكەمان لە ماسولكەی رانی چەپیدا تووشی پێكان بووە و ماوەی گەڕانەوەی پەیوەستە بە زوو چاكبوونەوەی.

لیستی یاریزانە پێكراوەكانی بارسێلۆنا زیادیكرد و ئێستا هەریەک لە ژووڵ كۆندێ، ئالیخاندرۆ بالدێ، فرێنكی دی یۆنگ، رۆبێرت لیڤاندۆڤسكی، كریستێنسن و گاڤی پێكانیان هەیە.