یاریگا – رۆژنامەی ئاس
کاریگەرییەکەی ئاربێلوا دەسەڵاتی خۆی لەدەستداوە، وەکوو دەردەکەوێت ئەو گەشتەی لەبەردەمییەتی زۆر سەخت دەبێت و پەتی رزگاربوونی چامپیۆنزلیگە.
وادیارە چارەسەری وەرزە ناڕوونەکەی ریال مەدرید لە گۆڕانکاری دینامیکی و ئەنجامەکان کە پێشبینی دەکرا شکستی هێناوە. ئێستا گومانەکان لە بێرنابیۆ و ڤاڵدێبێباس رەگیان داکووتیوە. پێش یارییەکەی خیتافی گلەیی لەبارەی لەدەستدانی پێشەنگی ریزبەندی هەبوو، بەڵام دوای شكستەکەی بەرامبەر خیتافی، مشتومڕێکی کەم ماوە بۆ بەرگریکردن لەوەی راهێنەرەکە لە چەند هەفتەی رابردوو روویداوە.
ئێستا کە 3 مانگ لە وەرزەکە ماوە، وادەردەکەوێت پەتی رزگاربوونی ئاربێلوا تەنیا چامپیۆنزلیگ بێت، کە ئەویش گەشتێکی سەختە. لە کاتی دەستنیشانکردنی ئالڤارۆ یانەکە هیواخواز بوو گۆڕانکاریی لە شێواز و ئاستی جەستەیی یاریزانەکان رووبدات و باوەڕ وابوو کە راهێنەری نوێ دەتوانێت هانیان بدات، بەڵام ئاشکرایە ئەمە سەرکەوتوو نەبووە و تیمەکە پەرتەوازە بووە.
جگە لە یارییەکەی ئالباسێتێ و جامی شای ئیسپانیا، سەرەتا یاریپێنەکردنی یاریزانە و ئێستاش خراپی ئەنجامەکان جارێکی دیکە گومانی دروست کردووەتەوە. بینینی بارسێلۆنا کە 4 خاڵ لەپێشەوەیە بە ئازارە و یانەکە بەدوای هۆکارێکدا دەگەڕێت بەدەر لە پێکانەکان، هەڕەشەی مانچێستەر سیتیش نزیکە. گومان لە یاریزانەکانیش دەکرێت بەهۆی ئاستیانەوە، بەڵام راهێنەرەکە تەواوی بەرپرسیارییەتی لە ئەستۆ دەگرێت.
ئۆساسۆنا و خیتافی، لالیگایان رادەستی بارسێلۆنا کردەوە لە کاتێکدا لە خراپترین دۆخدا بوون و خراپترین بەشیش ئەوەیە کە ریال مەدرید هەست دەکات ئەوەی پێویست بوو ئەنجامی نەداوە. باشترین هەواڵ بۆ ئاربێلوا ئەوەیە لە هەفتەیەکی دیکەدا، چامپیۆنزلیگ و مانچێستەر سیتیی گواردیۆلا دێنە بێرنابیۆ. ئێستا راهێنەرەکە 8 رۆژی لەبەردەستە تاوەکوو جارێکی دیکە یاریزانەکانی قایل بکات، ئەوانەی کە وادەردەکەوێت سەرنجیان لەدەست داوە.
ئەو 20 خولەکەی کۆتایی یارییەکەی خیتافی نمایشی بەشێکی کەم لە ئاستی راهێنەر و یاریزانەکانی ریال مەدرید دەکات. هیچ تۆپی پێیەک بوونی نەبوو، هیچ زیرەکییەک نەبوو، تەنیا فاوڵ، کارتی زەرد و تەنانەت کارتی سووریش، نارازەیی بێسوود و فاوڵی گەمژانە. دواتریش رەخنە لە بۆردالاسی راهێنەری خیتافی دەگرن، کە ئارامترین کۆتاییی یاریی هەبوو لە مێژووی خۆیدا.
