ئیتاڵیاگرنگترین

یه‌که‌م مه‌رجی زیدان بۆ ڕاهێنه‌رایه‌تی کردنی یۆڤی ئاشکراکرا

یاریگا- ڕۆژنامه‌کانی ئیتاڵیا ئاشکرایانکردووه‌ یه‌که‌م مه‌رجی زیدانی فه‌ڕه‌نسی بۆ ڕاهێنه‌رایه‌تی کردنی یانه‌ی یۆڤینتۆس له‌ وه‌رزی داهاتوودا، كڕینی مارکۆ ڤیراتی ئیتالیه‌ له‌یانه‌ی پاریس سان جێرمانی فه‌ڕه‌نسی.

زۆربه‌ی میدیاکانی وڵاتی ئیتاڵیا کۆکن له‌سه‌ر ئه‌وه‌ی، ئه‌م وه‌رزه‌ دوا وه‌رزه‌ بۆ ماسیمیلانۆ ئه‌لیگری وه‌ک ڕاهێنه‌ری خانمه‌ پیره‌که‌، که‌ له‌ ساڵی ٢٠١٤ تا ئێستا ڕاهێنه‌رایه‌تی ئه‌و یانه‌یه‌ ده‌کات و له‌و کاتیشه‌وه‌ تا ئێستا ٤ نازناوی سێریا ئه‌ی و ٤ نازناوی جامی ئیتاڵیای بۆ یانه‌که‌ بردۆته‌وه‌ و ٢ جاریش له‌ یاری کۆتایی چامیپۆنزلیگ تووشی شکست هاتووه‌ دژی یانه‌کانی بارسێلۆنا و ڕیاڵ مه‌درید.

کاڵچیۆ میرکاتۆ، لاگازێتا دیلۆسپۆرت، کۆریری دیلۆسپۆرت ڕایان گه‌یاندووه‌، وه‌رزی داهاتوو زیدانی فه‌ڕه‌نسی ئه‌رکی ڕاهێنه‌رایه‌تی یۆڤی له‌ ئه‌ستۆ ده‌گرێت، ئه‌مه‌ش پاش ئه‌وه‌ دێت ناوبراو دوای به‌ده‌ست هێنانی ٣ نازناوی چامپیۆنزلیگی یه‌ک به‌دوای یه‌ک بۆ یانه‌ی ریاڵ مه‌درید، له‌ کۆتایی وه‌رزی رابردوودا به‌شێوه‌یه‌کی چاوه‌ڕوان نه‌کراو ماڵئاوای له‌یانه‌که‌ کرد، تا ئێستاش ئه‌رکی ڕاهێنه‌رایه‌تی هیج یانه‌ و هه‌ڵبژارده‌یه‌کی له‌ ئه‌ستۆ نه‌گرتووه‌.

 

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close