یاریگا –
دوای ئەوەی لە یاریی بەرامبەر بێنفیکا تووشی پێکان بوو و بە ناچاری یاریگای جێهێشت، هەمووان پێشبینی پێکانێکی مەترسیداریان لە راوول ئاسێنسیۆ دەکرد.
کەمێک لەمەوبەر ریال مەدرید لە بەیاننامەیەکی فەرمیدا پێکانی بەرگریکاری یانەکەیان، راوول ئاسێنسیۆی راگەیاند بەبێ ئەوەی ماوەی دوورکەوتنەوەی دیاریی بکرێت. مێرێنگێ دەڵێت: “دوای ئەو پشکنینانەی لەلایەن پزیشکانی ریال مەدرید بۆ یاریزانەکەمان، راوول ئاسێنسیۆ ئەنجامدران، دەرکەوت کە تووشی گرژبوونی ماسولکەکانی ملی بووە و چاوەڕوانی رەوتی بەرەوپێشچوونی دەکەین.”
Parte médico de @RaulAsencio_17.
— Real Madrid C.F. (@realmadrid) February 27, 2026
بەم دواییانە رەخنەیەکی زۆر لە ئاسێنسیۆ دەگیرێت بەهۆی هەڵکشان و داکشانی ئاستی یاریزانەکە و ئەو هەڵە کوشندانەی ئەنجامی دەدات. ماوەیەک لەمەوبەر رامۆن ئالڤارێز نهێنییەکی لەبارەی یاریزانەکەوە درکاند و باسی لەوە کرد کە لە سەرەتای وەرزەوە ئاسێنسیۆ چەندین جار بە ئازارەوە یارییکردووە بۆ یارمەتیدانی یانەکەی.
ئالڤارێز گوتیشی، بەهۆی پێکانە زۆرەکانی ریال مەدرید و بەتایبەتیش لە هێڵی بەرگری، ئاسێنسیۆ ناچاربووە بە ئازاری شکانی ئێسکێکی قاچییەوە یاریی بکات.
لەپێناو ریال مەدرید؛ راول ئاسێنسیۆ لە سەرەتای وەرزەوە بە بارودۆخێکی تایبەتەوە یاریکردووە
