ئینگلتەراگرنگترین

گرینگترین ڕوداوه‌کانی یاری نێوان مان سیتی و ئارسیناڵ

یاریگا- ئه‌مرۆ له‌میانی یاریه‌کانی هه‌فته‌ی ٢٥ی پریمه‌رلیگ مان سیتی ٣-١ سه‌رکه‌وت به‌سه‌ر ئارسیناڵ و گرینگترین ئاماره‌کانی یاریه‌که‌ش به‌م شێوه‌یه‌ بوون.

– ئه‌گوێرۆی ئه‌رجه‌نتنی ژماره‌ی هاتریکه‌کانی گه‌یانده‌ ١٠ هاتریک له‌ پریمه‌رلیگ و ته‌نها یه‌ک هاتریک له‌ ئالان شیرار دووره‌ که‌ خاوه‌نی ١١ هاتریکه‌ و ڕیکۆردی مێژووی خوله‌که‌یه‌.

– له‌دواین ٢١ یاری ئارسیناڵ نه‌یتوانیوه‌ ١ سه‌رکه‌وتن تۆماربکات به‌رامبه‌ر ٦ یانه‌ به‌هێزه‌که‌ی پریمه‌رلیگ له‌ده‌ره‌وه‌ی یاریگای خۆی،که‌ له‌کۆی ٦٣ خاڵ ته‌نها ٧ خاڵی کۆکردۆته‌وه‌ له‌دژیان.

– بۆجاری یه‌که‌مه‌ له‌دوای ساڵی ١٩٣٧ مان سیتی ٤ یاری به‌دوای یه‌ک سه‌رکه‌وتن تۆمارده‌کات دژی ئارسیناڵ له‌ پریمه‌رلیگ.

– هه‌رگیز ئۆنای ئیمری به‌رامبه‌ر گواردیۆلا سه‌رکه‌وتنی تۆمارنه‌کردووه‌، که‌ له‌کۆی ١٢ یاری خاوه‌نی ٨ شکست و ٤ یه‌کسانبوونه‌.

– ڕه‌حیم ستێرلینگ حه‌وته‌م لاوترین یاریزانه‌ به‌درێژای مێژووی پریمه‌رلیگ به‌شداری ١٠٠ گۆڵ ده‌کات (٥٩ گۆڵ و ٤١ ئاسیست) که‌ ته‌مه‌نی ٢٤ ساڵ و ٥٧ ڕۆژه‌.

– ١٢ یاریه‌ به‌دوای یه‌ک له‌م وه‌رزه‌ی پریمه‌رلیگ ئارسیناڵ له‌ده‌ره‌وه‌ی یاریگای خۆی گۆڵی لی تۆمارده‌کرێت.

– ئه‌گوێرۆ بووه‌ دووه‌مین یاریزان به‌درێژای مێژووی خوله‌که‌ دوو یاری به‌دوای یه‌ک له‌ خوله‌کی یه‌کدا گۆڵ تۆماربکات.

سه‌رجه‌م گۆڵه‌کانی یاریه‌که‌ ببینن

کۆمێنتێکی نوێ دابنێ

کۆمێنتەکان

بابەتی پەیوەندیدار

Back to top button
Close