یاریگا –
ئەم وەرزەی پرێمەرلیگ وەرزی خەزانی راهێنەران بووە تا ئێستا. بەوپێیەی تا ئەم قۆناخەی خولەکە 8 راهێنەر بەهۆکاری بەشێوەی جیاواز لە یانەکانیان دوورخراونەتەوە/جیابوونەتەوە.
لەو نێوەندەدا یانەی برێنتفۆرد جیا لەوانی دیکە، گرێبەستی راهێنەرەکەی بۆ ماوەیەکی زۆر زیاتر درێژکردەوە.
برێنتفۆرد لەم وەرزە لەژێر سەرپەرشتی کێیت ئاندرو ئاستێکی نایاب پێشکەش دەکات و پلەی حەفتەمی ریزبەندییەکەیان گرتووە و جاوی لە وەرگرتنی بلیتێکی پاڵەوانیتیە ئەوروپییەکانی وەرزی داهاتووە.
راهێنەرە ئێرلەندیەکە کە خۆی وەک یاریزان خاوەنی ئەزموونێکی زۆرە لەگەڵ یانە ئینگلیزیەکان، یەکەم ئەزموونی وەک راهێنەر تەنها لەگەڵ برێنتفۆرد دەستپێکردووە ئەویش لە هاوینی ساڵی 2025 بوو کە شوێنی تۆماس فڕانکی هاونیشتیمانیی گرتەوە.
بەگوێرەی راگەیەندراوی فەرمی برێنتفۆرد، گرێبەستیان لەگەڵ ئاندرو تا ساڵی 2032 نوێکردەوە.
🖊️ We are delighted to announce that Keith Andrews has signed a new contract as Head Coach through to the summer of 2032
Congratulations Chief 🫡
— Brentford FC (@BrentfordFC) February 26, 2026
لای خۆیەوە فابریزۆ رۆمانۆ نووسیویەتی کە نوێکردنەوەی گرێبەستەکەی بۆ ئەو ماوە درێژە لەگەڵیدا مووچەکەشی بۆ زیادکراوە لەپای ئەو کارابە نایابەی لە ماوەی چەند مانگی دەستبەکاربوونیدا پێشکەشی کردووە.
🚨🐝 Brentford head coach Keith Andrews has signed a new long term deal at the club until June 2032.
Increased salary and longer deal after his excellent work so far. pic.twitter.com/DnahhuyUUN
— Fabrizio Romano (@FabrizioRomano) February 26, 2026
