یاریگا –
کریستیانۆ رۆناڵدۆ بووە خاوەنی بەشێک لە پشکەکانی یانەی ئالمێریای ئیسپانی.
رادیۆی کادینا سێر بڵاویکردەوە، رۆناڵدۆ لە %25ـی پشکەکانی یانەی ئالمێریای کڕیوەتەوە، کە لە خولی پلە دووی ئیسپانیا یاریی دەکات و لەم وەرزە پلەی سێیەمی ریزبەندی خولەکەی گرتووە.
💰 Cristiano Ronaldo compra el 25% del @U_D_Almeria
👉 “Desde hace tiempo he tenido la ambición de contribuir al fútbol más allá del campo. UD Almería es un club español con una base fuerte y un claro potencial de crecimiento”https://t.co/cEuJHyErfj
— Carrusel Deportivo (@carrusel) February 26, 2026
کریستیانۆ لە رێی کۆمپانیاکەی خۆیەوە بە ناوی CR7 Sports Investments پشکەکانی یانە ئیسپانییەکەی کڕیوەتەوە و کۆمپانیاکە ئەمڕۆ بە فەرمی بەیاننامەیەکی بە ناوی یاریزانەکە بڵاوکردەوە و کڕینی پشکەکانی راگەیاند.
ماوەیەک بوو حەزم دەکرد لە دەرەوەی یاریگا بەشدارییم لەنێو تۆپی پێ هەبێت، ئالمێریا یانەیەکی ئیسپانییە و پێگەیەکی بەهێزی هەیە، توانای گەشەسەندنی زیاتریشی هەیە. دەمەوێت لەگەڵ ئەو تیپە کاربکەم و سەرکردایەتی پێشکەوتنی زیاتری یانەکە بکەین.
هەروەها محەمەد ئەلخرێجی، سەرۆکی یانەکە دڵخۆشی خۆی دەربڕی کە کریستیانۆ ئالمێریای هەڵبژاردووە تاوەکوو وەبەرهێنانی تێدا بکات.
کریستیانۆ لەنێو یاریگا بە باشترین دادەنرێت، خولی ئیسپانی باش دەناسێت، لەو توانایە تێدەکات کە خەریکین بنیاتیدەنێن، لەسەر ئاستی تیپی یەکەم و لاوانی یانەکە.
