یاریگا –
ئەشرەف حەکیمی، بەرگریکاری پاریس سان جێرمان بە تۆمەتی دەستدرێژی سێکسی رووبەڕووی دادگاییکردن دەبێتەوە.
بەرگریکارە مەغریبییەکە تۆمەتە رەتدەکاتەوە کە بۆ ساڵی 2023 دەگەڕێتەوە، کاتێک ئافرەتێک رایگەیاند لە رێی تۆڕی کۆمەڵایەتی ئینستاگرام حەکیمی ناسیوە و چووەتە ماڵەکەی، دواتر دەستدرێژی سێکسی کردووەتە سەر.
حەکیمی بەیاننامەیەکی بڵاوکردەوە و دەڵێت دادگا سەرجەم راستییەکان ئاشکرا دەکات.
Paris Saint-Germain defender Achraf Hakimi has said he will face trial following an allegation of rape.
Hakimi, who also plays for the Morocco national team, said in a statement posted on X that he denied the accusation against him.
“Today, a rape accusation is enough to… pic.twitter.com/5lIvmeZztS
— The Athletic | Football (@TheAthleticFC) February 24, 2026
ئەمڕۆ تۆمەتێکی دەستدرێژی بەسە بۆ ئەوەی دادگایی بکرێیت، هەرچەندە من تۆمەتەکە رەتدەکەمەوە و هەموو شتێک دەیسەلمێنێت ناڕاستە، ئەمە چەندێک بەرامبەر بێتاوانەکان ستەمە، ئەوەندەش بەرامبەر قوربانییە راستەقینەکان ستەمە، بە ئارامی چاوەڕێی دادگاییکردنە دەکەم کە تێیدا هەموو راستییەکان ئاشکرا دەبن.
لای خۆیشییەوە، فانی کۆڵن، پارێزەرەکەی حەکیمی، سەرجەم تۆمەتەکانی رەتکردەوە و رایگەیاند دۆسییەکە تەنیا لەسەر بنەمای قسەی سکاڵاکار کراوەتەوە کە بەربەستی بۆ لێکۆڵینەوەکان دروستکردووە و رەتیکردووەتەوە پشکنینی DNA و پزیشکی بۆ بکرێت، هەروەها رەتیکردووەتەوە مۆبایلەکەی بۆ لێکۆڵینەوەکان بەکاربهێندرێت و ناوی گەواهیدەرەکانیشی ئاشکرا نەکردووە.
هاوکات، لویس ئینریکی، راهێنەری پاریس سان جێرمان لە کۆنگرەیەکی رۆژنامەوانیدا پێش یارییەکەی مۆناکۆ لە چامپیۆنزلیگ بە کورتی وەڵامی پرسیارێکی سەبارەت بە دۆسیەکەی حەکیمی دایەوە و گوتی کە بابەتەکە لە دەستی دەسەڵاتداراندایە.
