یاریگا –
کێڤن دی برۆین، ئەستێرەی ناپۆلی دەستی بە مەشقەکان کردووەتەوە و لە گەڕانەوە نزیکبووەتەوە.
رۆژنامەنووسی تۆڕی سکای ئیتاڵیا جیانلوکا دی مارزیۆ ئاشکرای کردووە، کێڤن دی برۆین گەڕاوەتەوە مەشقەکانی ناپۆلی، ئەستێرە بەلجیکییەکە لە کۆتا قۆناخی چاکبوونەوەی پێکانەکەیەتی و بەمزووانە دەگەڕێتەوە.
بەگوێرەی هەمان سەرچاوە، دی برۆین لە ناوەڕاستی مانگی داهاتوو دەگەڕێتەوە لیستی یاریزانانی ناپۆلی و پێشبینی دەکرێت بۆ یارییەکەی بەرامبەر لیچێ لە 15ـی ئازار بانگهێشت بکرێت.
Il Napoli ritrova De Bruyne: il belga potrebbe tornare a disposizione di Conte da metà marzo🔙https://t.co/QISCu3HD8r
— Gianluca Di Marzio (@DiMarzio) February 23, 2026
ئەستێرە 34 ساڵانییەکە لە 25ـی ئۆکتۆبەری ساڵی رابردوو بەهۆی پێکانێکی سەخت لە ماسوولکەی رانی دابڕا و زیاتر لە 4 مانگە یاریی نەکردووە.
دی برۆین هاوینی رابردوو مانچێستەر سیتی جێهێشت و بەخۆڕایی پەیوەندی بە ناپۆلی کرد و تاوەکوو هاوینی 2027 گرێبەستی لەگەڵ یانە ئیتاڵییەکە هەیە.
دی برۆین بە درێسی ناپۆلی بەشداریی 11 یاریی کردووە، چوار گۆڵی کردووە و 2 گۆڵی دروستکردووە.
