یاریگا –
لاوێکی درەوشاوەی ئەڵمانی بووەتەجێی بایەخی گەورەکانی ئەوروپا و دواترین یانەش بۆ لیستی خوازیارەکانی ئەو یاریزانە بارسێلۆنای ئیسپانییە.
بەگوێرەی زانیارییەکانی بیڵد، بارسێلۆنا لە نزیکەوە چاودێری ناتانیێل بڕاونی یاریزانی فرانکفورت دەکات.
ناتانیێل کە تازە تەمەنی 22 ساڵە، لە بەرگری چەپ یاریی دەکات. هاوینی 2024 پەیوەندی بە فڕانفورت کرد و توانیویەتی بە ئاستەکەی بایەخی خۆی لە یانە گەورەکانی ئەوروپا بسەلمێنێت.
رۆژنامەی بیڵد لە مانگی نۆڤێمبەری ساڵی رابردوو لیستێک یانەی ئەوروپای ئاشکراکرد کە چاویان لە تواناکانی لاوە ئەڵمانییەکەیە. لە لیستەکەدا ناوی ریال مەدرید، مانچێستەر یونایتد، ئارسیناڵ و مانچێستەر لە دیارترین کێبڕکێکارانی ئەو یاریزانە بوون.
بەگوێرەی نوێتره زانیاریی کە هەمان سەرچاوە بڵاویکردووەتەوە، بارسێلۆناش هەمان خواستی پیشانداوە.
رۆژنامە ئەڵمانییەکە ئەوەشی زانیوە کە فڕانکفورت نرخی 65 ملیۆن یۆرۆی خستووەتەسەر ناتانیێل بۆ هەر کڕیارێک بیەوێت گرێبەستیان پێشکەش بکات بۆ دەستبەرداربوون لە گەوهەرە ئەڵمانیەکە.
🚨🚨| JUST IN: Barcelona are closely monitoring Eintracht Frankfurt left-back Nathaniel Brown.
The Bundesliga side will demand a minimum of €65M to consider any deal for the 22-year-old.
[@BILD] https://t.co/oRCOWDy64Z pic.twitter.com/DRdfyQbbwg
— Managing Barça (@ManagingBarca) February 22, 2026
بڕاون لەم وەرزە لە 31 یاریی سەرجەم پاڵەوانێتیەکاندا خاوەنی 3 گۆڵ و 6 ئەسێستە.