ئیسپانیاڤیدیۆ هه‌واڵ

نۆ ساڵ تێپه‌ڕی به‌سه‌ر ئاسێسته‌ نایابه‌که‌ی گوتی هێرناندێز

یاریگا-له‌ ڕۆژێکی وه‌ک ئه‌مڕۆ و له‌میانی یاریه‌کانی هه‌فته‌ی ٢٠ی خولی ئیسپانی له‌ وه‌رزی ٢٠٠٩/٢٠١٠، خۆزیا ماریا گوتی هێرناندێزی ئه‌ندازیاری هێڵی ناوه‌ڕاستی یانه‌ی ڕیاڵ مه‌درید و هه‌ڵبژارده‌ی ئیسپانیا یه‌کێک له‌ جوانترین گۆڵه‌کانی لالیگای دروستکرد بۆ که‌ریم بنزێمای فه‌ڕه‌نسی.

پێش ئه‌م یاریه‌ یانه‌ی ریاڵ مه‌درید ماوه‌ی ٢٠ ساڵ بوو نه‌یتوانیبوو له‌یاریگای مونیسیپاڵ دی ڕیازۆری تایبه‌ت به‌یانه‌ی دێپۆرتیڤۆ لا کۆرونا سه‌رکه‌وتن تۆماربکات، هه‌ر بۆیه‌ سه‌رکه‌وتنی یانه‌ شاهانه‌که‌ له‌م یاریه‌دا زۆر گرینگ بوو، که‌ توانیشیان دوای نزیکه‌ی چاره‌که‌ سه‌ده‌یه‌ک گرێکوێره‌که‌ بکه‌نه‌وه‌ و به‌ دوو گۆڵی که‌ریم بنزێما وگۆڵێکی گۆنزالۆ هیگواین سه‌رکه‌وتن تۆماربکه‌ن.

ئه‌وه‌ی زۆر جێگای سه‌رنجی هه‌وادارانی تۆپی پێ بوو له‌م یاریه‌دا گۆڵی دووه‌می ڕیاڵ مه‌درید بوو، که‌ له‌لایه‌ن که‌ریم بنزیما تۆمرکرا به‌ ئاسێستێکی گۆتی هێرناندێت به‌شێوه‌یه‌کی سه‌رنجڕاکێش.

یاریزانه‌ ئیسپانیه‌که‌ له‌ ماوه‌ی ساڵانی ١٩٩٥ تا ٢٠١٠ به‌درێسی ڕیاڵ مه‌درید یاریکرد و له‌ ٢٠١٠ بۆ ٢٠١٢ بۆماوه‌ی ٢ وه‌رزیش یاری بۆ یانه‌ی به‌شکتاشی تۆرکی ئه‌نجامدا، که‌ له‌ژیانی وه‌رزشی خۆیدا توانی ٣ نازناوی چامپیۆنزلیگ و ٥ نازناوی لالیگا و ٢ نازناوی جامی جیهانی یانه‌کان و یه‌ک نازناوی سوپه‌ری ئه‌وروپا و ٤ نازناوی سوپه‌ری ئیسپانیا له‌گه‌ڵ ریاڵ مه‌درید به‌ده‌ست بهینێت،

به‌ ڤیدیۆ بینه‌ری گۆڵه‌بن:

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close