یاریگا –
بەربژێرێکی پۆستی سەرۆکایەتیی بارسێلۆنا بەڵێنی گواستنەوەی هاری کەین بە هاندەرانی یانەکە دەدات.
خافێر ڤیلۆجوانا، بەربژێر بۆ پۆستی سەرۆکایەتیی بارسێلۆنا وێنەیەکی کەینی لە تۆڕی X داناوە رایدەگەیەنێت ئەگەر هەڵبژاردن بباتەوە گرنگیدان بە لاماسیا لەپێشینەوەی کارەکانی دەبێت، بەڵام هەوڵ بۆ بەهرەمەندی زۆر لێهاتووش دەدات، بە نموونە کەین.
Cuidar els nostres jugadors de La Masia ha estat la meva màxima prioritat, però sempre necessitarem la capacitat d’atreure talent d’elit.
Podem fer-ho realitat.
Posant fi al caos financer i tornant a la regla de l’1:1.
Una signatura per mi és una signatura per a un Barcelona… pic.twitter.com/dgG69SBEma
— Xavier Vilajoana (@XaviVilajoana) February 19, 2026
ڤیلۆجوانا دەشڵێت، “وەکوو خۆم زۆر تامەزرۆی ئەو گواستنەوەیەم و دەتوانین بیکەین.” چونکە پێی وایە کێشە داراییەکان کۆتاییان دێت و دەگەڕێنەوە بۆ یاسای 1:1.
هێرشبەرە ئینگلیزییەکە تاوەکوو ساڵی 2027 گرێبەستی لەگەڵ بایرن میونشن هەیە و یانە باڤارییەکە فشاری فرۆشتنی لەسەر نییە چونکە بڕگەی شکاندنی گرێبەستەکەی بەسەرچووە.
هاری یەکێکە لە گۆڵکارەکانی ئەوروپا، بەم دواییانە گەیشت بە گۆڵی ژمارە 500 و ئەم وەرزە لە کۆی 35 یاریی 41 گۆڵی کردووە و 5 گۆڵیشی دروستکردووە.
