یاریگا –
مانچێستەر یونایتد هەڵوێستی خۆی لەسەر مارکوس راشفۆرد یەکلایی کردەوە و بەوەش چارەنووسی یاریزانەکە لەگەڵ بارسێلۆنا کە ئێستا بەخواستن لەو یانە کاتالوونیەیە، روونبووەوە.
دوای تەواوبوونی ماوەی خواستنەکەی لەگەڵ ئاستۆن ڤیلا، مان یونایتد بە راهێنەرایەتی روبێن ئامۆریم نەیانویست یاریزانەکەیان بگەڕێننەوە بۆ ئۆڵدترافۆرد، هەربۆیە هاوینی رابردوو بۆ ماوەی وەرزێکی تەواو بەخواستن لەگەڵ بارسێلۆنا رێککەوتن لەگەڵ جێگیرکردنی بژاردەی کڕینەوە بە بڕی 30-35 ملیۆن یۆرۆ.
بەگوێرەی زانیارییەکانی تۆڕی هەواڵی ESPN، مانچێستەر یونایتد پلانیان نییە جارێکیتر گفتوگۆی مەرجەکانی کڕینەوەی هەمیشەیی لەگەڵ بارسا ئەنجام بدەن. چاوەڕوانیشیان لە یانە ئیسپانیەکە ئەوەیە ئەو بڕە پارەیە بدەن کە هاوینی رابردوو لەسەری رێککەوتوون تا هێرشبەرە ئینگلیزیەکە بە هەمیشەیی بگوازنەوە.
Manchester United have no plans to re-negotiate the terms of Marcus Rashford’s potential permanent move to Barcelona, sources have told ESPN, and expect the Spanish giants to pay the fee agreed in the summer if they want to keep the forward.
Under the terms of the agreement,… pic.twitter.com/HVHAa72OLw
— ESPN FC (@ESPNFC) February 17, 2026
ئەگەرچی لەلایەن هانزی فلیکەوە هێشتا وەک یاریزانی سەرەکی پشتیپێنابەسترێت جگە لەو کاتانەی رەگەزە سەرەکییەکانی وەک رافینیا و ئەوانی دیکە لە هێڵی هێرشبەری ئامادە نەبن، راشفۆرد ئاستێکی باش پێشکەش دەکات و ژمارەکانی سەلمێنەری تواناکانی خۆگونجاندنین لەگەڵ بلاوگرانا. بەجۆرێک لە 30 بەشداریی تا ئێستا خاوەنی 10 گۆڵ و 10 ئەسێستە.
