یاریگا –
دیێگۆ سیمیۆنی لەلایەن سەرۆکی ئاتلێتیکۆ مەدرید و بەرپرسانی باڵای یانەکەوە پەیامێکی هۆشدارییئامێزی پێدەگات.
ئەم وەرزەی یانە مەدریدیەکە پڕە لە هەڵکشان و داکشان. لەلایگا تا رادەیەکی زۆر هیوای بردنەوەی نازناوەکەیان نەماوە. بەجۆرێک ئێستا دوای 24 هەفتە 15 خاڵ لە ریال مەدریدی پێشەنگەوە دوورن و پلەی چوارەمیان گرتووە لەدوای یانەکانی بارسێلۆنا و ڤیاڕیاڵ.
پێچەوانەی ئاستەکەیان لە خولی ئیسپانیا، لە جامی شای ئەو وڵاتە لە یاریی چوونی پێش کۆتایی بە چوار گۆڵی بێ وەڵام بارسێلۆنایان دووچاری شکستێکی سەختکردووە و چاوەڕوانی یاریی گەڕانەوەی نێو یاریگای کامپ نو دەکەن. لە چامپیۆنزلیگیش لە یارییەکانی پاشکۆن و رووبەڕووی کلەب بروج دەبنەوە بۆ گەیشتن بە قۆناخی 16ی پاڵەوانێتیەکە.
بەگوێرەی زانیاریی سەرچاوە وەرزشییەکان، راهێنەرە ئەرجەنتینیەکە لەلایەن ئێنریکی سیریزۆ و بەرپرسانی باڵای ئاتلێتیکۆوە ئاگەدارکراوەتەوە کە ئێستا هەموو هۆشی بخاتەسەر بردنەوەی یاریی گەڕانەوە لە بارسێلۆنا و ئامانجی نازناوی جامی شا بێت.
لە وردەکاریی زانیارییەکاندا هاتووە، یانەکە زانینیان هەیە بەوەی لالیگا بۆ ئەوان کۆتایی هاتووە و چامپیۆنزلیگیش هیچ گەرەنتیەکی تێدانییە. بۆیە ئێستا دوای پێنج ساڵ هەستێک زاڵە لە نێوخۆی ئاتلێتیکۆ مەدرید کە وا نزیکبوونەتەوە لە نازناوێک.
هەر لەپێناو ئەو ئامانجەدا پلانەکان بەجۆرێکن کە هەندێ لە یاریزانە ئاستبەرزەکانیان پشوو پێبدەن تا یاریی گەرانەوە بەرامبەر بارسێلۆنا کە 3ی مانگی داهاتووە.
🚨💣 𝐄𝐗𝐂𝐋𝐔𝐒𝐈𝐕𝐄: Diego Simeone has been informed by Atletico Madrid president Enrique Cerezo and other top club directors to focus everything on winning the 2nd leg against Barcelona and subsequently the Copa del Rey trophy.
The club knows it is over for them in La Liga… pic.twitter.com/a81I62pToz
— The Touchline | 𝐓 (@TouchlineX) February 17, 2026
