ئۆربان دوای کارتە سوورە سەیرەکەی: لە ئیتاڵیا یاریزانە رەشپێشتەکان جیاواز مامەڵەیان لەگەڵ دەکرێت

گیفت ئۆربان هێرشبەری هێڵاس ڤێرۆنای ئیتاڵی دەڵێت نا دادپەروەری هەیە لە شێوازی مامەڵەکردن لەگەڵ یاریزانە رەشپێستەکان.

ئۆربان لە یاری ئەم هەفتەیەدا  لە خولەکەکانی سەرەتای یارییەکەیان بە کارتی سوور کرایە دەرەوە، لەو یارییەی 2-1 دۆڕان بە پارما.

ئەوەی جێگەی سەرسوڕمان بوو ئەوەبوو، ئۆربان تەنها لەسەر ناڕەزایەتی دەربڕین دەرکرا لەسەر فاوڵێک وەک لە دیمەنەکەدا دیارە

Worst refereeing decision ever. pic.twitter.com/Sb2gQaubEE

— AremuBlack (Chelsea) (@AremuBlack) February 16, 2026

ناوبراو لە تۆڕی کۆمەڵایەتی ئێکس نوسیوییەتی

دەرکرام بەهۆی ناڕەزایی دەربڕین لەسەر بڕیارێک. وەک یاریزانێکی رەش پێست لە ئیتاڵیا، چیتر ناتوانم بێدەنگ بم بەرامبەر بەو مامەڵە جیاوازەی لەگەڵمان دەکرێت. من تۆپی پێم خۆشدەوێت و تەنها داوای دادپەروەریی، رێز و مامەڵەی یەکسان دەکەم.

Sent off for protesting a decision. As a Black player in Italy, I can’t ignore how often we’re treated differently.

I love the game, and all I ask for is fairness, respect, and equal treatment on the pitch❤️ https://t.co/42hkihWgev

— Gift Orban (@GiftOrban_) February 15, 2026

هێرشبەرە نێجیرییەکە لەم وەرزەدا خاوەنی 7 گۆڵ و 2 ئەسیستە بۆ هێڵاس ڤێرۆنا بەڵام دۆخی یانەکەی باش نیە و لە کۆتا پلەی ریزبەندی خولی ئیتاڵیدان.