یاریگا –
دانی ئۆلمۆ لە یاریی داهاتووی بەرامبەر جیرۆنا هەوڵ بۆ تۆمارکردنی ریکۆردێکی نوێ دەدات.
ئۆلمۆ ئێستا باشترین ساتی خۆی لە رووی خولەکی یاریکردنەوە لەگەڵ بارسێلۆنا بەسەردەبات و لە پێکهاتەی سەرەکی رۆڵی گرنگی پێسپێردراوە.
ناوەڕاستکارە ئیسپانییەکە لە شەش یاریی رابردووی یانەکەیدا 90 خولەکی تەواو یاریی کردووە، لە یاری داهاتوو بەرامبەر جیرۆنا چاوی ژمارەکە بکاتە حەوت یاریی و ریکۆردی پێشووتری بشکێنێت کە ساڵی پاریش تەنیا لە شەش یاریی 90 خولەکی تەواو بەشداریی کرد.
ئۆلمۆ لە یاریگای جیرۆنا یادگاریی تاڵ و شیرینی هەیە، وەرزی رابردوو لەو یاریگایە گۆڵی کرد بەڵام دواتر تووشی پێکانێکی سەخت هات و ماوەی مانگێک دوورکەوتەوە.
ئۆلمۆ تاوەکوو ئێستا لە سەرجەم پاڵەوانێتییەکان بە درێسی بلوگرانا بەشداریی لە 68 یاریی کردووە، لەو ژمارە یارییە توانیویەتی 19 گۆڵ و 13 ئەسیست بکات.
