یاریگا –
لوکا مۆدریچ، ئەستێرەی کڕواتی دوای گۆڵەکەی بەرامبەر پیزا، ناوی دەچێتە مێژووی سێریا ئەی.
شەوی رابردوو 13ـی شوباتی 2026، ئەیسی میلان لە یارییەکانی گەڕی 25ـی سێریا ئەی بووە میوانی پیزا و 2-1 یارییەکەی بردەوە، لوکا مۆدریچ لە خولەکی 85 گۆڵی بردنەوەی میلانی کرد.
لوکا مۆدریچ لە تەمەنی 40 ساڵی و 157 رۆژیدا بووە سێیەم بەتەمەنترین یاریزان لە مێژووی سێریا ئەی گۆڵ بکات.
ئالێساندرۆ کۆستاکورتا، ئەفسانەی میلان دووەم بەتەمەنترین یاریزانە لەو خولە گۆڵی کردووە، کە لە تەمەنی 41 ساڵی و 25 رۆژیدا گۆڵی کردووە.
هاوکات زڵاتان ئیبراهیمۆڤیچ، ئەفسانەی سوید، بەتەمەنترین یاریزانە لە سێریا ئەی گۆڵی کردووە و لە تەمەنی 41 ساڵی و 166 رۆژیدا گۆڵی بۆ میلان کردووە.
ئەیسی میلان لەم وەرزەی سێریا ئەی لە 24 یاریی 53 خاڵی کۆکردووەتەوە و 5 خاڵ لەە ئینتەری پێشەنگ دوورە.
Luka Modrić gives Milan the lead once more! 👏#PisaMilan 1-2 pic.twitter.com/ll0RkoEMTl
— Lega Serie A (@SerieA_EN) February 13, 2026
