یاریگا –
یانەی تۆتنهام گرنگی بە گواستنەوەی ئانتۆنیۆ رودیگەر، بەرگریکاریی یانەی ریال مەدرید دەدات.
ماڵپەری تیم تۆک بڵاویکردووەتەوە، یانەی تۆتنهام ئامادەکاریی بۆ شوێنگرەوەی کریستیان رۆمێرۆ دەکات کە یاریزانە ئەرجەنتینییەکە بووەتە ئامانجی داهاتووی ریال مەدرید، بۆ ئەو مەبەستە سپێرس دەیەوێت لە بەرامبەردا رودیگەر لە مێرەنگییەوە بگوازێتەوە ریزەکانی.
Antonio Rudiger is open to a return to England this summer, with intermediaries already sounding out Premier League clubs about a potential deal for the Real Madrid defender, @TEAMtalk understands.https://t.co/3IVoCWpys4
— Graeme Bailey (@GraemeBailey) February 10, 2026
بەرگریکارە ئەڵمانییەکە لە هاوینی 2026 گرێبەستەکەی بەسەردەچێت و تاوەکوو ئێستا هیچ جووڵەیەک بە ئاڕاستەی نوێکردنەوەی گرێبەستەکەی نییە.
بەگوێرەی سەرچاوەکە، رودیگەر ئامادەیە بگەڕێتەوە ئینگڵتەڕا و ئارەزووی گەڕانەوە بۆ کەشی پرێمەرلیگ دەکات.
رودیگەر لە هاوینی 2022 بە خۆڕایی لە یانەی چێڵسییەوە بۆ ماوەی چوار ساڵ پەیوەندی بە ریال مەدرید کرد، تاوەکوو ئێستا لە سەرجەم پاڵەوانێتییەکان 165 یاریی بە درێسی لۆس بلانکۆس کردووە و چەندین نازناوی گرنگی لەگەڵ یانەکە بەدەستهێناوە.