یاریگا –
رۆبێرتۆ دی زێربی بە فەرمی لە پۆستی راهێنەرایەتی یانەی مارسیلیا دوورخرایەوە و چاوەکان لەسەر گەڕانەوەیەتی بۆ پڕێمەرلیگ.
مارسیلیا رایگەیاند بەهۆی ئەنجامە خراپەکانی یانەکەوە، بەتایبەت دۆڕانی کلاسیکۆ بە یانەی پاریس سان جێرمان، بە رەزامەندی هەردوولا بڕیاری دوورخستنەوەی راهێنەرە ئیتاڵییەکە دراوە.
بەگوێرەی زانیارییەکانی بێن جەیکبز، رۆژنامەنووسی ناودار و باوەڕپێکراو، دی زێربی ئارەزووی گەڕانەوە بۆ پرێمەرلیگ دەکات و پاڵێوراوی وەرگرتنی پۆستی چەند یانەیەکی گەورەی خولەکەیە.
🚨 Roberto De Zerbi and Marseille have parted ways, as @FabriceHawkins called.
De Zerbi almost left in January, while sources say a summer departure was always on the cards. Exit now brought forward after Marseille lost 5-0 to PSG.
De Zerbi keen on a Premier League return. A… pic.twitter.com/aUFHjhvkB4
— Ben Jacobs (@JacobsBen) February 10, 2026
رۆژنامەنووسەکە نووسیوویەتی، دی زێربی پاڵێوراوی سەرەکی شوێنگرتنەوەی تۆماس فڕانکە و یانەی تۆتنهام پێش راهێنەرە دانیمارکییەکە هەوڵیداوە دی زێربی وەک راهێنەری یانەکە دەستنیشانبکات، هەروەها لە ئەگەری رۆیشتنی پێپ گواردیۆلا، دی زێربی یەکێکە لە پاڵێوراوەکان.
لە لایەکی دیکەوە، رۆژنامەی دەیلی مەیل بڵاویکردووەتەوە، یانەی مانچێستەر یونایتد سەرسامی راهێنەرە ئیتاڵییەکەیە و دەیەوێت لە کۆتایی وەرز ئەرکی راهێنەرایەتی شەیتانە سوورەکانی پێبسپێرێت.
