یاریگا –
مانچێستەر یونایتد ئاگادارە کە ئەستێرەکەی هێڵی بەرگریان لەلایەن بارسێلۆنا گرنگی پێدەدرێت.
بەگوێرەی ماڵپەڕی کۆت ئۆفساید، بارسێلۆنا گرنگی بە گواستنەوەی لیساندرۆ مارتینێزی ئەرجەنتینی دەدات. یاریزانە ئەرجەنتینییەکە لە دۆخێکی باشدایە و ئەمەش سەرنجی بارسێلۆنا و چەند یانەیەکی دیکەی راکێشاوە.
بەهۆی کۆتاییهاتنی گریبەستەکەی لە هاوینی 2027، گومانەکان لە داهاتووی یاریزانەکە و مانەوەی لە ئۆڵد ترافۆرد زیادیکردووە.
🚨 EXCLUSIVE 🚨
Barcelona are “privately” confident they could sign Lisandro Martinez from Manchester United.
The Argentina CB has just over a year left on his contract 👀
Full story to follow… pic.twitter.com/lPiWDlxz55
— CaughtOffside (@caughtoffside) February 7, 2026
چەند سەرچاوەیەکی دیکە نزیک لە مانچێستەر یونایتد ئاماژە بەوە دەکەن کە نیازی یانەکە بەرامبەر مارتینێز روون و ئاشکرایە. بەرگریکارەکە بۆ فرۆشتن نییە.
یەکێکی دیکە لە سەرچاوەکان دەڵێت بێگومان مانچستەر یونایتد یاریزانەکە نافرۆشێت و پێشبینی دەکرێت لە داهاتووییەکی نزیکدا گفتوگۆی جدی بۆ نوێکردنەوەی گرێبەستەکەی دەستپێبکات، بەڵام ئەوانەی نزیکن لە بارسێلۆنا گومانیان لەو راستییە هەیە و پێیان وایە ئەگەر نرخێکی گونجاوی پێبدرێت ئەگەری روودانی گرێبەستەکە هەیە.
نرخی لیساندرۆ بەگوێرەی ترانسفەرمارکێت نزیکەی 35 ملیۆن یۆرۆیە، بەڵام زۆرینەی سەرچاوەکان دەڵێن نرخی داواکراوی نافەرمی لەلایەن شەیتانەسوورەکانەوە لە دەوروبەری 55 ملیۆن یۆرۆ دەبێت.
