بایرن میونشن هەنگاوێکی بچووک لە نوێکردنەوەی گرێبەستێکی گەورە دوورە
یاریگا –
دایۆت ئوپامیکانۆ، بەرگریکاری فەڕەنسی ریال مەدرید و لیڤەرپوول بێهیوادەکات و گرێبەستەکەی نوێدەکاتەوە.
ماکس ئێبێرل، بەڕێوبەری جێبەجێکاری بایرن میونشن بەشێوەیەکی فەرمی رایگەیاند، تەنیا یەک هەنگاوی بچووک لە نوێکردنەوەی گرێبەستی دایۆت ئوپامیکانۆ دوورن و بەم زووانە نوێکردنەوەی گرێبەستەکەی رادەگەیەنن.
🚨⏳ Final paperwork. Dayot Upamecano’s contract extension is imminent: “We’re just short of the finish line. We’ll be delighted when we can announce it“, confirmed by Max Eberl just now. 🇫🇷 https://t.co/1x3hvKK22F
— Florian Plettenberg (@Plettigoal) February 7, 2026
گرێبەستی بەرگریکارە 27 ساڵانییەکە لەگەڵ یانە باڤارییەکە لە هاوینی داهاتوو بەسەردەچێت.
بەگوێرەی زانیارییەکانی رۆژنامەنووسی سکای ئەڵمانیا فلۆریان پلێتنبێرگ، بایرن میونشن و ئوپامیکانۆ گەیشتوونەتە رێککەوتن و گرێبەستەکە تاوەکوو 2030 نوێدەکرێتەوە.
ئوپامیکانۆ لە هاوینی 2021 لایپزیگی جێهێشت و بە 42.50 ملیۆن یۆرۆ پەیوەندی بە بایرن میونشن کرد، بەهای ئێستای لە بۆڕسەی یاریزانان 70 ملیۆن یۆرۆیە.
هەردوو یانەی ریال مەدرید و لیڤەرپوول چاویان لەوەیە لە مێرکاتۆی هاوینە بەخۆڕایی گرێبەستی لەگەڵ واژۆ بکەن، بەڵام یاریزانەکە یەک هەنگاو لە نوێکردنەوەی گرێبەستەکەی دوورە.
