یاریگا –
لیام رۆسێنیۆر، راهێنەری یانەی چێڵسی پێیوایە یانەی ئارسیناڵ رێزیان لە تیپەکەی نەگرتووە.
لە یاریی پێش کۆتایی جامی کاراباو چێڵسی میوانداریی ئارسیناڵی کرد و یانەی میوان بە ئەنجامی 1-0 یارییەکەی بردەوە، بە ئەنجامی هەردوو یارییەکە 4-2 سەرکەوتنی بەدەستهێنا و خۆی گەیاندە یاریی کۆتایی جامەکە.
لە دەستپێکردنی یارییەکە و لە کاتی خۆگەرمکردنی یاریزانان، رۆسێنیۆر بە تووڕەییەوە هاوار بەسەر ستاف و یاریزانی ئارسیناڵ دەکات و پێیان دەڵێت لە نیوە یاریگای خۆتاندا بمێننەوە.
Chelsea boss Liam Rosenior on why he yelled towards Arsenal players to ‘stay in their own half’ during pre-match warm-ups:
“It wasn’t the players. When you warm up, we have our half and the other team have their half. I’ve never asked my team or coaches to encroach on the other… pic.twitter.com/gMeviZ75gP
— Chris Wheatley (@ChrisWheatley) February 5, 2026
دواتر راهێنەرە ئینگلیزییەکە روونکردنەوەی دا و ئەو کارەی یاریزانانی ئارسیناڵی بە پێشلکاری ناوبرد.
بابەتەکە پەیوەندی بە یاریکردن بە مێشکەوە نییە، هەر تیپێک نیوە یاریگای خۆی هەیە، هەستم کرد ئەوان نیوە یاریگای ئێمەیان تێپەڕاندووە، ئەوەش کاریگەریی لەسەر یاریزانان و ستافەکەم هەیە.
لە درێژەی قسەکانیدا، راهێنەرەکەی بلووز گوتی کە مەبەستی بێرێزیکردن نەبووە بە یاریزانان ئارسیناڵ و رێزی زۆر لە میکێل ئارتێتا و سەرجەم یاریزانەکانی گەنەرز دەگرێت، بەڵام دەبێت یانەکان لە کاتی خۆئامادەکردنی پێش یاریی رێز لە یەکدی بگرن.
کێشەم لەگەڵ هیچ یاریزانێکی ئارسیناڵ نییە، راهێنەرێکی نایابیان هەیە، رێزیان لای من هەیە، تەنیا ئەوە بوو پێموایە لەو ساتەدا بێرێزی بە تیپەکەم کراوە.
