یاریگا –
مارک ئاندرێ تێر شتیگن بەفەرمی بڕیارەکەی بۆ ئەنجامدانی نەشتەرگەری راگەیاند.
تێر شتیگن، گۆڵپارێزی ئەڵمانی و بارسێلۆنا کە ئەم گواستنەوەی زستانەیە بەشێوەی خواستن روویکردە جیرۆنا، لە یەکەم یاریی خۆیدا لەگەڵ یانەکە تووشی پێکانێکی سەخت بووە و ناچارە نەشتەرگەری ئەنجام بدات.
تێر شتیگن لە تۆڕە کۆمەڵایەتییەکانی خۆیەوە بەیاننامەیەکی بڵاوکردەوە و نووسیویەتی:
زۆرینەتان لە ئاستێکی کەسییدا نامناسن، بۆیە دەمەوێت شتێکتان لەگەڵ باس بکەم.
من کەسێکی گەشبینم، هەمیشە هەمیشە ئەم ئەقڵیەتەم هەبووە و بۆ هەموو ئەو ئاڵەنگاریانەی رووبەڕووی بوومەتەوە لەگەڵ خۆمدا هەڵمگرتووە، بەڵام ئەمەیان بەتایبەت بۆ من قورسە.کۆتایی هەفتەی رابردوو، خراپترین شت روویدا: لە کاتی یارییەکە تووشی پێکان بووم. تازە گەیشتبوومە جیرۆنا، کە هەر لە سەرەتاوە زۆر بە گەرمی پێشوازیم لێکرا و بە کەسێکی نزیکیان دانام. بەڕاستی زۆر بەپەرۆش بووم بەشێک بم لە تیمەکە و یارمەتیدەری ئامانجە هاوبەشەکەمان بم.
ئیدی رۆڵی من دەبوو بەتەواوی بگۆڕێت، بەڵام پاڵپشتیم بۆ تیمەکە ناگۆڕێت. ئێرە تەنیا کۆمەڵەیەکی نایاب و ستافی راهێنەران نین؛ هەست دەکەیت خێزانێکە و هەر لە سەرەتاوە هەستم بە نزیکی و پاڵپشتیان کرد.
وەکوو وەرزشوان گەورەترین خۆشی ئێمە رکابەرییە: راهێنان و یاریکردن. ناچارم هەموو ئەمانە بۆ چەند مانگێک راگرم، چونکە بڕیارمداوە نەشتەرگەری ئەنجام بدەم.
دەگەڕێمەوە.
La mayoría de vosotros no me conocéis a nivel personal, así que quiero compartir algo con vosotros.
Soy una persona positiva. Siempre he tenido esta mentalidad y la he llevado conmigo en cada reto que he afrontado, pero este está siendo especialmente duro para mí.El fin de… pic.twitter.com/I0VUzaq5ld
— Marc ter Stegen (@mterstegen1) February 5, 2026
